Uaniipputit: Saqqaa Nunap timaani Aatsitassanik atuiffiusoq - aatsitassarsiorfik

Greenlandic   Dansk
Sunngiffimmi illuaqqanut takornarissanullu illuaqqanut nunaminertat Nunaminertat akuersissuteqarfiit Nunaminertat sukisaarsaartarfissaqqissut Uumasuuteqarnernut nunaminertat Teknikkikkut atortunut nunamilu atortulersuutinut nunaminertat Nunaminertat sanaartorfigeqqusaanngitsut Namminersorlutik soqutigisaat Aatsitassanik atuiffiusoq - aatsitassarsiorfik Aalajangersakkat

Aatsitassanik atuiffiusoq - aatsitassarsiorfik


Qeqqata Kommuniata iluani nunap qaani aatsitassarsiorneq taamaallaat ilaavoq. 

Kalaallit Nunaani aatsitassaqarnermik immikkoortortaq inuutissarsiornermik ineriartortut pingaarnersat ilagaat. Aatsitassarsiornermik Kalaallit Nunaanut naleqartitsisumik qulakkeerinissaq ingerlanneqarpoq. Aningaasaqarnikkut imminut napatissinnaaneq nukittorsarneqarpoq, soorlu Kalaallit Nunaani sulisinnaasunik annertuumik sulisoqarnikkut. 

Maannakkut aatsitassarsiorfinnik ingerlatsisoqanngilaq, 2010-mili upernaap tungaanut Maniitsup kujataani Niaqornami olivinimik piiaaneq ingerlanneqarpoq. Ukiunilu qanittuni piianerup ingerlateqqinneqarnissaa naatsorsuutigineqarpoq, taamaalilluni sumiiffimmi atortut atorneqaqqissallutik. 

Kommunip kujataata tungaani immikkoortut assigiinngitsut misissuinissamut akuersissutigineqarnissaannut tunngavissaqarput. Suliffeqarfiit aligoqqinik, aatsitassanik qaqutigoortunik allarpassuarnillu ujaasisarput. 

Misissuinerit ataavartut ukiuni qaninnerni piiaavimmik arlaqartunilluunniit ammaasoqarnissaanik neriuuteqartitsipput, taamaalilluni kommunimi suliffissaqartitsinerit amerliartussallutik. Immikkoortuni tullinnguuttuni maannakkut misissuinerit ingerlanneqarput, ilanngussami nunap assingani inissisimaneri takuneqarsinnaapput:www.BMP.gl

  • Sarfartoq
  • Kangerlussuatsiaq
  • Maniitsup tunuani qaqqani sumiiffinni arlaqartuni 

Erngup nukinga

Kalaallit Nunaani aatsitassaq pingaarnerpaaq tassaavoq, aasaanerani sermersuarmit kuuttuartartoq imeq. Sumiiffinni arlaqartuni imeq atorneqarani tasersuarnut imaanullu kuuginnartarpoq. Maannakkut erngup nukinga nukissiorfiit pilersinneqartut illoqarfiup innaallagissamik pisariaqartitsinerannik matussusiisuupput. 2009-mi Qeqqata Kommuniani Sisimiut avannaata tungaani Kangerluarsuk Ungallermi Tasersuarmi erngup nukinganik nukissiorfimmik ammaasoqarpoq. 

Maniitsumi Alumiiniliorfimmik pilersitsisoqarnerani aatsaat tamakkiisumik atuineq eqqartorneqarsinnaavoq. Nioqqusiornermi atasinnaasumik innaallagissamik pilersitsinissamut Kangerlussuatsiap tunuani Tasersiami aamma Nuup avannaata tungaani Tasersuarmut atatillugu, erngup nukinganik nukissiorfinnik angisuunik marlunnik pilersitsisoqassaaq. 

Aatsitassanik piiaanermi erngullu nukinganut atatillugu atortunik sanaartorneqassaaq, taakkulu N-immikkoortuini ilanngunneqassallutik.