Uaniipputit: Saqqaa Nunaminertat atugassiissutit Nunaminertat atugassiinermi suut piumasaqataappat

Greenlandic   Dansk
Nunaminertat atugassiinermi suut piumasaqataappat Kiap nunaminertamik atugassiineq nalunaarutigissavaa Kikkut nunaminertamik atugassaminnik qinnuteqarsinnaappat Kikkut nunaminertamik atugassinneqarnissamik qinnuteqarsinnaappat Nunaminertamik atugassamik qinnuteqarnermi periusissat Nunaminertamik atugassiinermi piumasarisat Sanaartorfigissaaneq Nunaminertap atugassiissutip atuukkunnaartinnera Nunaminertamik atugassiinermi piumasaqaatit Nakkutiliineq atuutitsinerlu Immikkut akuersissuteqarneq Nammagittaalliuuteqarneq Nunaminertamik qinnuteqaatit tusarniutaasut Nunaminertat atugassiissutaasut

Nunaminertat atugassiinermi suut piumasaqataappat


Nunaminertamik nutaamik atuilersinnaaneq nunaminertanik atugassiisarnermi oqartussanit akuersissummik pisariaqartitsivoq. Sanaartornernermiit atuinernut allaanernut, soorlu assersuutigalugu biilit uninngasarfiinut, naatsiivinnut, umiatsianik qaqitsivittut, inissiivittut, qimmilivittut assigisaanullu nunaminertanik atuinerit. Assigiinngitsut marluk, tassalu ataavartumik piffissamilu killilikkamik akuersissutit immikkoortinneqassapput. 

  1. a.             Ukununnga nunaminertamik atugassiissuteqassaatit 

Imm. 1. Nunaminertamik atugassiissummik allaganngorlugu nalunaaruteqartoqartinnagu nunaminertaq atorneqalersinnaanngilaq 

Imm. 2. Illumik atuinerup allanngortinneqarnera imaluunniit nunaminertaq sanaartorfiunngitsoq nunaminertamik atugasseqqaarneqarnissamik pisariaqartitsivoq. 

Imm. 3. Illu aamma / imaluunniit atortulersuut il.il. piginnittuaniit piginnittumut allamut tunniunneqaruni, nunaminertamik atuisussaatitaanerup allamut tunniunneqarsinnaaneranut, piginnittut allanngornerannik taaneqartartumik, qinnuteqartoqassaaq.   

Imm. 4. Illu nunguvilluni ikuallappat, imaluunniit ingutserneqassappat, ingutserinissamut nappaaqqinnissamullu qinnuteqartoqassaaq, suliamik nutaarluinnarmik sullissineq pineqarmat. 

Imm. 5. Ilassusiinernut, aneerasaartarfinnik assigisaannullu aamma nunaminertamik atugassinneqarnissamik qinnuteqartoqartartussaavoq. . 

  1. b.             Ataavartumik nunaminertamik atugassiineq. 

Imm. 1. Ataavartumik akuersissutit illulianut tassungalu attuumassutilinnut atortulersuutinut soorlu aneerasaartarfinnut, majuartarfinnut, biilit uninngasarfiinut illuaqqanullu tunniunneqartarput, atuinissaq ataavartutut isigineqarmat. 

  1. c.              Piffissamut aalajangersimasumut nunaminertamik atugassiineq. 

Imm.1. Piffissamut aalajangersimasunut akuersissutit atortulersuutinut utaqqiisaasumik isigineqartunut imaluunniit piffissami sivikitsuinnarmi nunaminertamik atuinissat pineqartillugit, soorlu assersuutigalugu containerinik, umiatsianik, aalisarnermut atortunik inissiinermi, qimmilivinnut assigisaanullu piffissami killilikkami inissiinissanut tunniunneqartarput.    

  1. a.      Sivikitsuinnarmik atuineq nunaminertamik atugassinneqarnissamik pisariaqartitsinngilaq. 

Imm. 1. Nunaminertamik atuineq qaammatit marluk ataallugu atugassaappat iluaqutigineqartumillu atuineq pineqanngippat, soorlu assersuutigalugu aasaanerani aaqqissuussinerit annertuut, nutsernermi containerinik inissiineq, ilisimatusarluni tammaarsimaarfiit, sammisaqartitsinerit assigisaalluunniit uterattaartut, nunaminertamik atugassiinissaq pinngitsoortinneqarsinnaavoq.