Uaniipputit: Saqqaa Nunaminertat atugassiissutit Nunaminertamik atugassamik qinnuteqarnermi periusissat

Greenlandic   Dansk
Nunaminertat atugassiinermi suut piumasaqataappat Kiap nunaminertamik atugassiineq nalunaarutigissavaa Kikkut nunaminertamik atugassaminnik qinnuteqarsinnaappat Kikkut nunaminertamik atugassinneqarnissamik qinnuteqarsinnaappat Nunaminertamik atugassamik qinnuteqarnermi periusissat Nunaminertamik atugassiinermi piumasarisat Sanaartorfigissaaneq Nunaminertap atugassiissutip atuukkunnaartinnera Nunaminertamik atugassiinermi piumasaqaatit Nakkutiliineq atuutitsinerlu Immikkut akuersissuteqarneq Nammagittaalliuuteqarneq Nunaminertamik qinnuteqaatit tusarniutaasut Nunaminertat atugassiissutaasut

Nunaminertamik atugassamik qinnuteqarnermi periusissat


a.   Saqqummiineq. 

Imm. 1. Nunaminertat nutaat nunaminertatut atoriaannanngortutut sivikinnerpaamik sapaatit akunnerini marlunni saqqummiunneqartassapput. Nunaminertanik annertunerusunik saqqummiisarnissamut atatillugu piffissaliussap sivisunerunissaa anguniarneqassaaq.

Imm. 2. Nunaminertat atoriaannartutut saqqummiunneqarnerini, saqqummiussinermi killiliussap iluani takkunnikuusut qinnuteqartut piukkunnaatillit tamarmik, tassa piffissaliussamik pilersaarutitaqartut inersimalersumillu nassiunneqartut, ilutigisaatut isigineqassapput.

Ullormi tassani nunaminertamut tassunga qinnuteqartut piukkunnaatillit arlalaliuppata, makitsinikkut aalajangiunneqassaaq, nunaminertamut kina nunaminertamik inniminniisinneqassanersoq. 

Qinnuuteqartut piukkunnaatillit makitsinermi sinneruttut, utaqqisunut allanneqassapput. Makitsineq kommunalbestyrelsimi ilaasortamit imaluunniit eqqartuussivimmi eqqartuussisumit ingerlanneqassaaq. 

Imm. 3. Nunaminertani atoriaannartut saqqummiunneqartumi, piukkunnaatilimmik qinnuteqaammik ataasiinnarmik tigusaqartoqarsimatillugu, makitsinertaqanngitsumik nunaminertaq qinnuteqartumut inniminneerneqassaaq.  

b.   Suliniutinut ineriartortitassanut nunaminertanik atugassiisarneq. 

Malittarisassat tullinnguuttut malillugit nunaminertanik atugasssiinissamik Kommunalbestyrelsi aalajangiisarpoq: 

Imm. 1.Sisivikinnerpaamik sapaatit akunnerini marlunni saqqummeereernermi, kommunalbestyrelsi aalajangiisinnaavoq, kommunip pilersaarummi aalajangersakkat pingaarnerit tunngavigalugit, suliniummik ineriartortitsinissamut nunaminertamik inniminniisoqarnissaanik, tassungalu ilassutitut saqqummeeqqaarani suliniutinut ineriartortitassanut nunamineramik inniminniineq nalunaarutigalugu. 

Imm. 2. Imm. 1-imut ilassutitut pilesaarummik tunngaviusumik pissarsinissamut malittarisassat malillugit annikitsukkuutaanut aaalajangersakkanik allaqqissaakkanik suliaqartoqassaaq, pilersaarummillu tunngaviusumi allaqqissaakkamik inaarutaasumik akuersisuteqarnermut atatillugu pilersaarutitut ineriartortinniakkat nunaminertamik atugassinneqarsinnaapput. 

c.   Nunaminertanik arlalinnik qinnuteqarneq.

Imm. 1. Inuk selskabeluunniit nunaminertanik arlalinnik qinnuteqarsinnaavoq atugassinneqarluni. Tamanna pisinnaavoq, assersuutigalugu sanasutut suliffeqarfik inissianik arlalinnik tuniniaanissaq siunertaralugu sanaartorusuppat, taava suliniutip piviusorpalussusaanut uppernarsaasinnaasoqarpat tamanna atuuppoq.

d.   Sullissinerup sivisussusaa 

Imm. 1. Illoqarfiup iluani nunaqarfiullu iluani nunaminertamik atugassinneqarnissamik qinnuteqaat nalinginnaasoq, ataatsimut isigalugu sullissinerup sapaatit akunnerini pingasuni pisarnissaa anguniarneqarpoq. Piffissap taassuma iluani sullissinerup sivitsorneqarsinnaanera, soorlu assersuutigalugu suliassat eqqaamiorisanut tusarniutaassappata imaluunniit sivisunerunissaanik annerpaamik sapaatit akunnerini aqqaneq-marlunni sivisussusilerlugu politikkikkut innersuussutaassappata, qinnuteqartoq ilisimatinneqassaaq.   

Imm. 2. Nunap timaani qinnuteqaatit Namminersorlutik Oqartussani tusarniutaassapput, amerlanerpaatigullu politikkikkut ataatsimiititaliamut attuumassuteqartuusumut saqqummiunneqarlutik. Tassani sullissinerup sapaatit akunnerini arfineq-pingasuniit aqqaneq-marlunnut sivisussuseqarnissaa naatsorsuutigisariaqarpoq. 

e.    Tusarniaanerup sivisussusissaa 

Imm. 1.Nunaminertanik sulianut atatillugu eqqaamiunik tusarniaanerit minnerpaamik sapaatit akunnerini marlunni ingerlanneqartassapput. 

Imm. 2. Nunap timaani nunaminertanik sulianut atatillugu Namminersorlutik Oqartussanut suliamilu illuatungerisanut tusarniaanerit sapaatit akunnerini pingasuni piffissalerlugit ingerlanneqartassapput. 

f.    Akiliisitsinerit 

Imm. 1. Nunaminertanik atugassinneqarnissamik qinnuteqaatinik suliaqarnermi akiligassiissuteqartoqartassaaq, tak. kommunip akigititai.