Uaniipputit: Saqqaa Maanakkut pisoq Inatsisitigut atuuffii

Greenlandic   Dansk
Atuinisussanut ilitsersuut. Kommunimi pilersaarut suugami Nalinginnaasumik aalajangersakkat Inatsisitigut atuuffii Pilersaarutit nassuiaatitaat Kommunimi pilersaarummut tapiliussaq VVM-imik - nalunaarusiaq Ileqqoreqqusat malittarisassallu

Inatsisitigut atuuffii


Atuuffiugallartut.

Kommunimi pilersaarusiaq pilersaarummulluunniit tapiliussaq1 tamanut saqqummiunneqareersimappat, nunaminertat, illut sanaartugassallu siunnersuummi ilaasut, kommunimi pilersaarutip pilersaarummulluunniit tapiliussassap imarisaanut akornutaasinnaasumik suliarineqassanngillat allatulluunniit atorneqassanatik. 

Oqaaseqaateqarnissamut allannguutissatulluunniit siunnersuuteqarsinnaanermut piffissarititaasup naanerata kingorna, tak. § 23, imm. 3, oqaaseqaatiginiakkanik tunniussisoqarsimanngippat, taava kommunalbestylsi tulliuttuni akuersissuteqarsinnaavoq, nunaminertaq kommunimi pilersaarutitut siunnersuummut pilersaarummulluunniit tapiliussassamut ilaasoq sanaartorfigineqarsinnaasoq, allatulluunniit kommunimi pilersaarummut tapiliussassamulluunnit akerliunngitsumik atorneqassanatik.


Aalajangersakkat qulaani taaneqartut atorneqarsinnaapput, kommunip pilersaarusiorneqarneranut siunnersuut kommunilluunniit pilersaarusiorneqarnerani tapiliussatut siunnersuut tamanut nalunaarutigineqarnissaata tungaanut, taamaattorli siunnersuutip saqqummiunneqarneraniit naatsorsorlugu sivisunerpaamik ukiumi ataatsimi tak. § 25.  

 

Atuuffiit.

Kommunip pilersaarutaanik kommunilluunniit pilersaarusiorneqarnerani tapiliussami inaarutaasumik akuerineqartumit tamanut nalunaaruteqartoqarsimatillugu, kommunip pilersaarusiorneqarnerata aalajangersagartaanut naapertuutinngitsumik inuttut pissutsilluunniit malillugit pisunik pilersitsisoqaqqusaanngilaq.

Kommunip pilersaarutaata naammassineqarnissaanut, taakkununnga nunaminertanik atugassiisarneq ilanngullugu kommunalbestyrelsi akisussaaq, tak. kap. 8. 

Kommunip pilersaarusiorneqarnerata aalajangersagartaa, takuuk § 14, imm. 2, nr. 3 aamma § 14, imm. 3, illumik piginnittuusumit nunaminertamilluunniit atuisuusumit qaqugukkulluunniit inatsisitigut pituttuisuuvoq.

§ 14, imm. 2, nr. 3 aamma § 14, imm. 3 malillugit immikkoortumut aalajangersakkanit pissarsisinnaanermi pisunik pilersitsinissamut kommunalbestyrelsi inerteqquteqarsinnaavoq.
Inerteqqut ukioq ataaseq tikillugu atuuttuutinneqarsinnaavoq ataasiaannartuussallunilu. Inerteqqut tamanut nalunaarutigineqassaaq.

Kommunimit isumaqatiginniareernikkut kommunip pilersaarusiorneqarneranik ingerlatsinissamut piffissamik Naalakkersuisut aalajangersaasinnapput.