Uaniipputit: Saqqaa Maanakkut pisoq Atuinisussanut ilitsersuut.

Greenlandic   Dansk
Atuinisussanut ilitsersuut. Kommunimi pilersaarut suugami Nalinginnaasumik aalajangersakkat Inatsisitigut atuuffii Pilersaarutit nassuiaatitaat Kommunimi pilersaarummut tapiliussaq VVM-imik - nalunaarusiaq Ileqqoreqqusat malittarisassallu

Atuinisussanut ilitsersuut.


Qeqqata Kommuniani pilersaarutit pillugit paasissutissanut tamanut, Qeqqata Kommunianut kommunip pilersaarutaata digitaliusup isersinnaanissannut periarfissippaatit.

Takorluugaq pingaarnertullu aaqqissuussaanera

  • Takorluugaq –Qeqqata Kommunianik ineriartortitsinissamut kommunalbestyrelsip takorluugai oqaluttuarineqarput
  • Pingaarnertut aaqqissuussaanera –kommunip pingaarnertut aaqqissuussineranut pissutsit oqaluttuarineqarput.

Illoqarfiit nunaqarfiillu

  • Illoqarfinni nunaqarfinnilu aaqqissuussaanerup qanoq innera ineriartortitsinissamullu qanoq naatsorsuuteqarnersugut nassuiarneqarpoq.
  • Illoqarfiit nunaqarfiilluunniit ataanni tassunga tunngassutilinnik aalajangersakkat atuuttut ilaannit atuagaqarsinnaavutit, allattorsimaffimmiillu immikkoortut ilaannik immikkoortulluunniit annikitsukkoortortaanik toqqaasinnaavutit. Immikkoortut ataasiakkaat normulersorneqarneri ilisimasaqarfigigukkit nunalluunniit assingani illoqarfimmik nunaqarfimmilluunniit immikkoortumik toqqaasinnaavutit.
  • Siusinnerusukkut sumiiffinnut immikkoortut ilaannut aalajangersakkani pilersaarutinut assingusut – pingaarnertut aalajangersakkat aammalu immikkoortunut annikitsukkuutaanut aalajangersakkat saniatigut – aalajangersakkat sinnerinut allanik allassimasoqartinnagu imaluunniit ersarissaasoqartinnagu, aalajangerskkanik nalinginnaasunik arlalinnik atuuttunik peqarpoq.

Nunaannaq

  • Nunaannarmi suussutsit assigiinngitsut atorneqarnerat nassuiarneqarpoq, aamma illoqarfiit nunaqarfiillu ataanni immikkoortunut ataasiakkaanut aalajangersakkat allassimapput.

Nunaminertanik aqutsineq

  • Nunaminertanik aqutsinermut malittarisassat maleruagassallu, assersuutigalugu qanoq qinnuteqarsinnaanersutit, nunaminertamik atugassiinermut il.il. atatillugu suut piumasaqaataanersut allattoqqapput.  

Maanna pisut.

  • Pilersaarutit sorliit tusarniutaanersut qangalu akuerisaasimanersut takusinnaavatit. Pilersaarutaasut tunuliaqutaat iserfigerusukkukkit atortussat ilassutaasinnaasut attuumassutillit nassaarisinnaavatit, aammalu maleruagassatigut tunngavisat ilaatigut malittarisassat ileqqoreqqusallu ilassutaasut nassaarisinnaavatit.

Nunap assinga

  • Kommunip pilersaarutaani digitaliusumi nunap assinganut digitaliusumut isersinnaavutit, taanna talerpiup tungaani saqqummertarpoq imaluunniit nunap assingatut angisuutut immikkoortunut sisamanut avitatut saqqummertarluni. Nunap assingi taakku kaavitinneqarsinnaapput taamaalillutillu  allagartaani atorneqartut takussutissat toqqarnerisigut allisissinnaallugit millisissinnaallugilluunniit. Nunap assingata talerpiatungaani aallartissinnaasannik peqarpoq, taamaalillutit nunap aasingisa tunuliaqutai, soorlu assersuutigalugu ortofoto toqqarsinnaaneranut periarfissaqarlutit, aamma immikkoortup ilaannik imaluunniit immikkoortut immikkuualuttortaanik imaluunniit aqqusinissatut, pilersuinermik aqqutit ingerlaarfissaanik immikkoortitanik ingerlaarfik nalaarneratigut toqqaasinnaavutit.    

Nittartakkap sukkassusaa

  • Kommunip pilersaarusiorneqarnera digitaliusup paasissutissartai Nuummi serverimik inissisimasumi ilaanneeriarlutik pinngitsuuisinnaanngillat, taamaattumillu nittartakkami misissuitillutik naammagittartariaqarputit – ingammik nunap assinginik digitaliusunik atuinermut tunngatillugu.