Uaniipputit: Saqqaa Illoqarfinnut nunaqarfinnullu pilersaarutit Sisimiut Sisimiut nunataat

Greenlandic   Dansk
Sisimiut Attaveqaatit/ Umiarsualivik/ Mittarfik Aqquserngit aqqusineeqqallu aaqqissuussaanerat Illoqarfiup qeqqa Inissiaqarfik/najugaqarfik Inuutissarsiuteqarfik Suliffeqarfiit Sunngiffik Ilinniarfiit allat Kulturikkut kingornussat Teknikkikkut atortuutit Sisimiut nunataat Namminersorlutik soqutigisaat Aalajangersakkat Maniitsoq Atammik Napasoq Kangaamiut Itilleq Sarfannguit Kangerlussuaq Aalajangersakkat Nalinginnaasumik aalajangersakkat

Sisimiut nunataat


Angallaviit

Inuussutissarsiutillit sunngiffimmilu sammsassaqartitsiniutinut illoqarfiup avataanik atuineq, Sisimiut eqqaani nunaannarmut aqqutissamut apeqqutaalluinnarput.

Ullumikkut aasaanerani pingaartumik imaatigut angallatinik angalasoqartarpoq. Umiarsualivimmi umiatsiarpassuit takutippaat, inuussutissarsiutitigut sunngiffimmilu imaatigut kangerlutsigullu angalaartoqarluartartoq. 

Ukiuunerani pingaartumik qimussit qamuteralaallu angallatigineqartarput, aammali ATW-t, cross-knallert-it biilillu angallatigineqartarlutik. 

Taamaattumik imeqarfik aqqusaarlugu Alanngorsuup tungaanut, tassanngaanniillu Kangerlussuarmut Aqqutikitsumullu isumannaatsumik aqqutissiortoqarnissaa pilersaarusiorneqarpoq. Aqqutissiortoqarneratigut takornarialerinikkut illoqarfiup avataani periarfissat atorluarneqarnissaannut nutaanik periarfissaqartoqalissaaq. Taamaalilluni aqqutissiortoqarneratigut aasaanerani ukiuuneranilu takornarialerineq ineriartortinneqarsinnaalissaaq. 

Motoorinik angallatillit ullumikkut atorluarneqaleriartuinnarput. Tamatuma kingunerisaanik pitsaanngitsumik annertoqisumillu pinngortitaq innarlerneqariartuinnarpoq. Taamaattumik motoorinik angallatillit aalajangersimasumik aqqutissaqarlutik nunami angallannissaannut maleruagassaqarpoq. 

Illuaraqarfiit il.il.

Sisimiut eqqaani kangerluit sunngiffimmi illuaqqat, oqquisarfiit illuaqqallu piniariartarfiit arlaqarput. Nuna tamakkerlugu nunaannarmut pilersaarut 2010/2011-meersoq, Sisimiut eqqaani sunngiffimmi illuaqqiorfissatut nunatat pisortatigoortumik immikkoortitaapput. Pinngortitaq minnerpaamik innarlerneqarnissaa qulakkeerniarlugu, illuaqqiornissamut illuaqqallu atornissaannut Kommunip pilersaarusiorfigineqarneratigut maleruagassat qulakkeerneqarput. Ilutigalugu sunngiffimmi sammisassaqartitsivissaqqissunik innuttaasunut qulakkeerneqarput. 

Illuaqqat assigiinngissusaat, maleruagassallu assigiinngitsut atuuttut tullinnguuttumi takussusiorneqarput.

 

Orninneqarnis-

saanut pissutsit

Annertus

-suseq

Allaf

Fissornik

kut sanaar

tukkat

Allaf

Issornik

kut nuna

minertat

Sunngiffim-mi illuaraq

Inunnit nammineq pigineqartoq

≤ 20 kvm

 - Sanaar

tornissa-mut akuersissut

 

+ Nunaminerta

-mik atuisin

naati-taaneq

Aasarsiorfik

Inunnit nammineq pigineqartoq

>20 m2

+ Sanaartornissa-mut akuersissut

 

+ Nunaminerta-

mik atuisin

naati-taaneq

Takornaris-

sanut lluaraq

Attartortittagaq

Najoqqutas-

sartaqanngi-laq

+ Sanaartornissa-mut akuersissut

 

+ Nunaminerta-

mik atuisin

naati-taaneq

Illuaraq pini-artarfik/ oq-quiffissaq

Tamanit

Atorneqarsin

naa-sut

Najoqqutas-

artaqanngi-laq

+ Sanaartornissa-mut akuersissut

 

+ Nunaminerta-

mik atuisin

naati-taaneq

Illuaqqanik illoqarfik ataatsimoor-

tarfilik

Attartortittagaq

Najoqqutas-

sartaqanngi-laq

+ Sanaartornissa-mut akuersissut

+ Nunaminert

-taaneq

 Nunaqarfiit matuneqarnikut

Nunaannarmi sunngiffimmi illuaqqiornissamut il.il. periarfissanut tapertaliullugu, nunaqarfikut sunngiffimmi takornarialerinermiluunniit atorneqarsinnaanissaat periarfissaavoq. Piniarneq aalisarnerlu eqqarsaatigalugu nunaqarfikut nalinginnaasumik inissisimalluartarput, tamannalu soqutiginaateqarlunilu umiatsianut inissiivissaqqissoqartarluni. 

Nunaminertanik illutoqqanut atugassiissutaasunik illukulluunniit ingutsernikut toqqavikuanik atuisinnaanermik pigisaqartoqartillugu inatsisitigut imaaliallaannartumik allamut tunniussisinnaanissaq periarfissaqanngilaq.

Nunaqarfikut nunap assingani ilanngussami takuneqarsinnaapput.

Eqalunniartarfinni illuaqqat, tammajuitsussarsiniarlunilu piniariartitsinernut illuaqqat

Piniarnermut aalisarnermullu tunngatillugu immikkuullarilluinnartunik misigisassarsiorlutik takornarissanut pitsaasumik neqerooruteqarsinnaanissaq immikkut sammineqarpoq. Akuersissutinik tunniussinikkut aningaasanik isaatitsisoqarnissaa qulakkeerneqassaaq, illoqarfimmiullu eqalunniartarfii il.il. aamma qulakkeerneqassallutik. 

Sisimiut eqqaani eqalunniartarfinni tallimaasuni takornarissanut kiffartuussinikkut unnuisarfissaannillu illuaqqiortoqassasoq naatsorsuutigineqarpoq, soorluttaaq tammajuitsussarsiniarlutik piniariartartunut kiffartuussinikkut unnuisarfissaannillu marlunnik-pingasunik illuaqqiortoqarnissaa periarfissinneqassasoq. 

Sisoraatinik unammisarfinnut aammalu sisoraartarfeqarfinnut akunnittarfilinnut, takornariaqarnermullu illuaqqanik illoqarfinnut nunaminertanik immiikkoortitsineq

Sisimiut kangia-tungaani Alanngorsuarmut Nasaasaamullu atatillugu sisorartarfiliortoqarnissaanut kommunip pilersaarusiorfigineqarneratigut nunatamik immikkoortitsisoqarpoq. Nunap immikkoortortaa tamanna nunat avannarliit assigalugit ornigineqarluartussamik ukiuunerani sisorarnermik sammisassaqartitsivissatut ineriartortinneqarsinnaavoq. Matumani Nasaasaap kangia-tungaani issiavilinnik, illuarartalimmillu majuartaasiisoqarnissaanut periarfissaqassaaq. Tamatuma saniatigut ukioq naallugu, takornarialerinerlu eqqarsaatigalugu aasaanerani neqeroorutaasartunut assigiinngitsunut atorneqarsinnaasunik illuaqqiortoqarnissaanut unnuisarfiliortoqarnissaanullu periarfissiisoqarpoq. 

Assinganik Sisimiut avannaatungaani Aqqutikitsumi sisorartarfimmik annerusumik pilersitsisoqarnissaanut nunaminertamik immikkoortitsisoqarpoq. 

Nunaannarmi kulturikkut eriagisassat.

Sisimiut eqqaani nunaannarmi qanganitsanit ujaasilluni assaanerpassuit ingerlanneqarnikuupput, matumanilu Sisimiut mittarfiata eqqaani Asummiuni Holsteinsborg-ikoq eqqaaneqassaaq.

Tamatuma saniatigut Sisimiut kujataani Nipisanni assaasimanerit eqqaaneqassapput, tamannalu matumani assersuutigalugu Aasivissuit, Arnangarnup Qoorua il.il. Qeqqata Kommuniani UNESCO – site-mut toqqagaanissaa naatsorsuutigineqarluni. 

Nunaannarmi pinngortitap illersorneqarnera

Pinngortitap illersorneqarnera, nunallu immikkoortortaani piumasaqaateqarfiusut naalagaaffiup soqutigisaa malillugu, kommunimi tamarmi nunaannaq pillugu immikkoortortap sammineqarnerani sammineqarput, illersuinerillu suut malinneqassanersut allassimallutik. Soorlu timmiarpaat inaat aammalu nuna Ramsar-iusoq il.il