Uaniipputit: Saqqaa Illoqarfinnut nunaqarfinnullu pilersaarutit Sisimiut Attaveqaatit/ Umiarsualivik/ Mittarfik

Greenlandic   Dansk
Sisimiut Attaveqaatit/ Umiarsualivik/ Mittarfik Aqquserngit aqqusineeqqallu aaqqissuussaanerat Illoqarfiup qeqqa Inissiaqarfik/najugaqarfik Inuutissarsiuteqarfik Suliffeqarfiit Sunngiffik Ilinniarfiit allat Kulturikkut kingornussat Teknikkikkut atortuutit Sisimiut nunataat Namminersorlutik soqutigisaat Aalajangersakkat Maniitsoq Atammik Napasoq Kangaamiut Itilleq Sarfannguit Kangerlussuaq Aalajangersakkat Nalinginnaasumik aalajangersakkat

Attaveqaatit/ Umiarsualivik/ Mittarfik


Kommunip avannarpasissortaani sikujuitsortami Sisimiuni Umiarsualivik tikikkuminarnersaallunilu aalisartunut kilisaatinullu tunngaviulluarpoq, sapaatillu akunneri tamasaa Royal Arctic Line-p pajuttaataanik tikinneqartarluni, aasaaneranilu ”Sarfak Ittuk”-mit aqqusaarneqartarpoq. Umiarsuit takornariartaatsit tikittarnerisa akulikilliartuinnarnerini, Sisimiut eqqaanilu takornarissanut misigisassarsiortunut sisorariartunullu sammisassaqartitsivissaqarumaartumi siunissami tunngaviulluni inissisimanissaa naatsorsuutigineqarpoq. Pingaarnertut attaveqaqatigiinnermi ataqatigiinnissamik qulakkiisussaalluni Sisimiut Kangerlussuarlu aqqusinertigut atassuserneqarnissaat sulissutigineqarpoq. Taamaalilluni Kangerlussuarmi mittarfik, kommunimilu Sisimiuni umiarsualivik annersaasoq imminnut atalissapput, tamatumalu kingunerisaanik inuussutissarsiutit ineriartortut ineriartortinneqarnissaannut kiffartuunneqarnissaannullu pitsaasumik tunngavissaqartitsissalluni. 

Umiarsualiviup piusup allilerneqarnissaa pingaarnertut aaqqissuussinermi ilaatinneqarpoq, umiarsualiviullu allilerneqarnissaa maannamut suliassanut pingasunuugallartoq agguartaarneqarnikuulluni. Umiarsuit pisariaqartitsillutik illoqarfimmut tikissinnaaqqullugit, containerinullu inissaqarluartitsinissaq alliliinertigut umiarsualivimmik eqaatsumik ingerlasumik pilersitsinissaq siunertaavoq. 

Kommunip pilersaarusiorfigineqarneratigut Akiani najugaqarfissiap nutaap kitaa-tungaani umiarsualiviliortoqarsinnaanera periarfissaavoq. Nunap immikkoortortaa tamanna uuliasiortunut gas-imillu qalluinianut pilersuiviusinnaavoq, soorluttaaq umiarsuanut takornariartaatinut talittarfiusinnaasoq. 

Kiisalu mittarfimmit 7 kilometerinik avannarpasitsigisumi umiarsualivimmik annerusumik pilersitsinissaq pilersaarummi ilanngunneqarluni. Nunap immikkoortortaa tamanna uuliasiortunut gas-imillu qalluinianut nunaminertamik annertuumik atorfissaqartitsisartunut pilersuivittut pilerinarluinnarsinnaavoq. Tamakkiisumik sanaartorluni qaartiterinikkut immersuinikkullu tamanna 8 kvadratkilometerit missaannik annertutigisinnaavoq. 

Sisimiuni Mittarfik, Dash 7-inik miffissatut naammalluni 799 meterinik takitigisumik mittarfeqarpoq. Pilersaarusiornerup ingerlanerani timmisartut taakkorpiaat atorunnaartussatut naatsorsuutigineqarput. Taamaattumik mittarfiup 1000 imaluunniit 1200 meterit tungaannut allineqartariaqassasoq naatsorsuutigineqarpoq. Mittarfik 1400 meterit tikillugit tallineqarsinnaanissaa pilersaarutitigut periarfissaavoq. 

Illoqarfiup avataani portunersanut isikkivigissunut takornarissat helikopterimik angallassinnaanissaannut periarfissaqartikkumallugu, Alanngorsuup Nasaasaallu nalaani helikopterip miffigisinnaasai sisamat pilersaarusiorneqassapput. Aatsaalli imeqarfiup killeqarfiinut tunngatillugu siunissami killeqarfiumaartussanut unioqqutitsissanngippat aatsaat.