Uaniipputit: Saqqaa Illoqarfinnut nunaqarfinnullu pilersaarutit Napasoq Napasoq nunataat

Greenlandic   Dansk
Sisimiut Maniitsoq Atammik Napasoq Attaveqaatit Nunaqarfiup aaqqissuussaanera Suliffeqarfiit sunngiffillu Teknikkikkut atortuutit Napasoq nunataat Namminersorlutik soqutigisaat Aalajangersakkat Kangaamiut Itilleq Sarfannguit Kangerlussuaq Nalinginnaasumik aalajangersakkat Aalajangersakkat

Napasoq nunataat


Oqaatigineqareersutut Napasoq qeqertami inissisimavoq. Nunaqarfiup alannguatungaani piniariarfigissaartunik takornarissanullu misigisassarsiorfissaqqissunik kangerlunni pinngortitarsuaq periarfissaqarluartitsivoq.  

Tamaani eqaloqarfeqarpoq, aavarnissamullu periarfissaqarluni. Eqalunniarnermut immaqalu tammajuitsussarsiniarluni piniarnernut atorneqarsinnaasunik illuaqqanik sanaartortoqaruni takornarissanut tungavissamik pitsaanerusumik pilersitsisoqarsinnaavoq.

Nunap timaani piniartunut oqquisarfinnillu illuaqqanik kiisalu sunngiffimmi illuaqqanik arlalinnik peqarpoq, kisianni takornarissanut tammajuitsussarsiorluni aamma eqalunniarluni aalisarniartunut illuaqqanik pilersitsinissamut periarfissiisoqarnikuunngilaq.

Nunap timaani annertuumi aatsitassanik assigiinngitsunik ujaasisinnaanermik akuersissutinik tunniussisoqarnikuuvoq, taamaattumik nunaqarfimmi suliffissatigut sunniuteqarsinnaasumik periarfissaqarsinnaanissaa naatsorsuutigineqarpoq.

Takornariaqarnerusinnaanera atorluarniarlugu, inissiat sanaartukkat atorneqanngitsut takornarissanut unnuiffiusinnaasutut, soorlu hotel-itut imaluunniit hotel-iutigalutik nerisarfissatut atorneqartarsinnaaneri eqqarsaatersuutigisariaqarpoq.  

Kommunip pilersaarusiorneqarnerani nunaminertanik immikkoortitsisoqanngilaq, kisianni siunissami eqqarsaatersuutissatut eqqaaneqaannarluni.