Uaniipputit: Saqqaa Illoqarfinnut nunaqarfinnullu pilersaarutit Maniitsoq Suliffeqarfiit

Greenlandic   Dansk
Sisimiut Maniitsoq Attaveqaatit/ Umiarsualivik/ Mittarfik Aqquserngit aqqusineeqqallu aaqqissuussaanerat Illoqarfiup qeqqa Inissiaqarfik/najugaqarfik Inuutissarsiuteqarfik Suliffeqarfiit Sunngiffik Teknikkikkut atortuutit Maniitsoq nunataat Namminersorlutik soqutigisaat Aalajangersakkat Atammik Napasoq Kangaamiut Itilleq Sarfannguit Kangerlussuaq Nalinginnaasumik aalajangersakkat Aalajangersakkat

Suliffeqarfiit


Meeqqeriveqarfiit

Alumiiniliorfimmik pilersitsinermi, meeqqeriveqarfinnik nutaanik sanaartornissaq naatsorsuutigineqarsinnaavoq. 2024-mi innuttaasut amerlassusaata 3947-uunissaat naatsorsuutigisinnaavarput. Sanaartornermut atatillugu nuuttussat akornanni qanoq katitigaanerannut aalajangersimasumik missiliuteqanngilaq, amerlasuulli inuusuttuunissaat naatsorsuutigineqarpoq, taakkulu ilaquttatik ilagalugit nuunnissaat ilimanarluni, taamaalilluni meeqqanut inuusuttunullu pisortanit ikiorsiissutinik piumaneqarnerat annertunerulernissaa naatsorsuutigineqassammat. 

Meeraaqqeriviit/meeqqeriviit/akuleerisitsilluni meeqqeriviit

Ullumikkut meeqqat ukioqanngitsuniit tallimat angullugit ukiulinnut 216-inut paarsinissaq periarfissaqarpoq.

Alumiiniliorfimmik pilersitsinermi meeqqanut ukioqanngitsuniit tallimat angullugit ukiulinnut ulluunerani paaqqinnittarfinnik marlunnik - pingasunik pisariaqartitsilernissaq naatsorsuutigineqassaaq, meeqqat tamarmik ulluunerani paaqqinnittsrfimmissappata aammalu meeqqeriviit qanoq angitigisut sanaartorneqassanersut apeqqutaallutik. 

Maniitsup illoqarfiata kitaatungaani meeqqerivimmik nutaamik aammalu Ujaqqerivimmi najugaqarfiup qeqqani meeqqerivimmik nutaamik kommunip pilersaarusiorneqarneranut ilanngussisoqarpoq. Illoqarfiup immikkoortuani nutaami meeqqerivimmut nunaminertamik immikkoortitsisoqarpoq.

 Meeqqat atuarfiat

Atuarfimmi pioreersumi meeqqat 439-t atuartuupput 

Innaallagissiorfitoqqap atorunnaarsinneqarneratigut atuarfiusup piusup allilerneqarnissaanut periarfissaqarluarpoq, tamannalu innaallagissiorfikup sillimmatitut pisariaqartinneqarunnaarnerasigut pisinnaavoq. Atorunnaarsitsinissami Maniitsup illoqarfiata erngup nukinganik nukissiorfeqalernissaa pisariaqartinneqarpoq. 

Meeqqanut minnernut arfinilinniit – qulinut ukiulinnut atuarfimmik pilersitsinissamik periarfissamik qulakkeeriniarluni, illoqarfiup immikoortuata nutaap qeqqani nunaminertamik immikkoortitsisoqarpoq.

Efterskole 

2011-mi illoqarfiup kangisissuani siusinnerusukkut ATI-mi – aalisartunngorniat atuarfiani, Kalaallit nunaani tamani atuartunut efterskolemik pilersitsisoqarpoq. Atuartut 80-it angullugit atuarfiup tigusinnaavai, inuusuttuaqqallu 11 klassernissamut pisariaqartitsisunut toraagaqartuulluni. 

Inuusuttunut neqeroorutit

Sunngiffimmi inuusuttunullu ornittagaq katersortarfimmut atasumi sunngiffimmi ornittagaq inissisimavoq.

Alumiiniliorfimmik pilersitsisoqarnerani illoqarfiup inuusuttaanut inuusuttunullu efterskoleriartunut ornittagassamik sanaartortoqarnissaanik pisariaqartitsisoqalernissaa naatsorsuutigineqassalluni. 

Timersortarfimmut atatillugu inuusuttunut sunngiffimmi neqeroorutinik pilersitsinissamut periarfissaqarpoq, soorlu illoqarfiup qeqqani naluttarfik takkukkumaartoq aammalu illoqarfiup immikkoortuata nutaap qeqqanut atatillugu. Taassumalu saniatigut Savinnut / Ujaqqeriviup eqqaani meeqqerivimmik sanaartornissamut takkukkumaartumut atatillugu inuusuttunut ornittagassamik sanaartorfissamik nunaminertamik immikkoortitsisoqarluni. 

Innarluutinut neqeroorut

2010/2011 ukiup naalernerani Qeqqata Kommunip innaarluuteqarnermut immikkoortortaq Namminersorlutik Oqartussaniit tiguaa.

Innarluutillit arlaqartut illoqarfimmi najugaqarput. Sapaatip akunneranut pingasoriarlutik sannavik illersugaasoq Naapifik atorsinnaavaat.  

Najugaqarfiit assigiinngitsut marluk aserfallatsaaliinissamut aammalu innarluutillit sapinngisamik nalinginnaasumik inuuneqarnissaanut periarfissaqartinniarlugit aallunneqartariaqarput. Najugaqarfiillu pineqartut tassaapput; Namminerisamik angerlarsimaffik aammalu najugaqatigiiffiit. 

Innarluutillit pisariaqartitaat naapertorlugit inissiat aaqqissukkat aammalu naapertuuttumik inissisimasunik. Innarluutillit pisinnaasaat naapertorlugit ulluinnarni nammineersinnaanissaaq anguniagaasariaqarpoq. Ilaatigut innarluutillip eqqortumik inissinneqarnermigut nammineersinnaanera periarfissinneqartarpoq. 

Utoqqaat innarluutillillu ineqarnermut piumasaqaataat assigiikannerput. Immikkoortoqarfiit taakku ataatsimut eqqarsaatersorfigineqarnissaat iluaquteqarsinnaavoq. 

Najugaqatigiiffiit inunnut annertunerusumik tapersersorneqarnissaminnut pisariaqartitsisunut najugaqarfiupput. Maniitsumi najugaqatigiiffinni neqeroorutini 28-t najugaqatigiipput. Inissiani nalinginnaasuni najugaqatigiiffiit arfinillit inissisimapput.  

Utoqqarnut inissiat/plejecenter/utoqqaat angerlarsimaffiat

Utoqqaat inissiaani imaluunniit utoqqaat angerlarsimaffiani najugaqarnissamut ukiut apeqqutaanngillat, inuunermulli qanoq inissisimaneq aammalu nammineersinnaannginnerup qanoq annertutiginera apeqqutaalluni. Sullinniakkanut allanut sanilliullugu neqerooruteqarnermut taakkununnga sullinniakkat sorliuneri kinaassuseruminaassinnaapput. 

1999-imiit 2011-mut ineriartorneq ilisimaneqartoq tunngavigalugu, ukiuni tulliuttuni utoqqaat inissiaanik sanaartortoqarnissaanut pisariaqartitsisoqarnissaa siulittuutigineqarsinnaavoq. 

Ilaqutariinnermut immikkoortortamiit naliliiffigineqarpoq, inissiaqarfinnik nutaanik sanaartorneqartuni utoqqaat inissianik siunissami qanittumi pisariaqartitsinerat matussuserneqartoq.   

Kommunip pilersaarusiorneqarnerani utoqqaat inissiaanik inissinneqarfissaannut siunnersuutit marluupput, taakkulu siunissami ungasinnerusumi pisussatut atorneqalersinnaassapput.

Ingerlatsinermut kiffartuussinermullu atatillugu inissiat ataatsimut inissinneqarnissaat aallaaviuvoq. Illoqarfiup qeqqani inissinneqarput, taamaalillutik utoqqaat sapinngisamik nammineersinnaassallutik. 

  1. Illoqarfiup qeqqani illoqannginnersami najugaqarfiit elevatorillit

Utoqqaat angerlarsimaffiata eqqaani sanaartukkat elevatorillit, heliportip nutaanngitsup ataani qaqqaq sinerlugu, 70 N-imit siunnersuut naapertorlugu