Uaniipputit: Saqqaa Illoqarfinnut nunaqarfinnullu pilersaarutit Maniitsoq Maniitsoq nunataat

Greenlandic   Dansk
Sisimiut Maniitsoq Attaveqaatit/ Umiarsualivik/ Mittarfik Aqquserngit aqqusineeqqallu aaqqissuussaanerat Illoqarfiup qeqqa Inissiaqarfik/najugaqarfik Inuutissarsiuteqarfik Suliffeqarfiit Sunngiffik Teknikkikkut atortuutit Maniitsoq nunataat Namminersorlutik soqutigisaat Aalajangersakkat Atammik Napasoq Kangaamiut Itilleq Sarfannguit Kangerlussuaq Nalinginnaasumik aalajangersakkat Aalajangersakkat

Maniitsoq nunataat


Illuaqqanut nunaminertat il.il.

Maniitsup eqqaani kangerlunni nunaminertani sulinngiffeqarluni illuaqqanik, illuaqqanik piniartarfinnik aammalu oqquiffissanik arlalinnik siammaqqasunik peqarpoq. Pinngortitap minnerpaasumik sunnerneqarnissaa qulakkeerniarlugu, kommunip pilersaarusiorneqarnerani illuaqqanik pilersitsinermut atuinermullu maleruagassanik qulakkeeriniarpoq. Taassumalu saniatigut innuttaasut sunngiffimmi sammisassanik orniginartunik periarfissinneqarnissaat qulakkeerissutigineqassalluni. 

Nunaqarfiit matuneqarnikut

Nunaannarmi sunngiffimmi illuaqqanik il.il. pilersitsinissamut periarfissamut tapiliussatut, nunaqarfiit matuneqarnikut sunngiffimmi imaluunniit takornariaqarnikkut atorneqarnissaanut periarfissaqarpoq, nunaqarfiillu matuneqarnikut Kangerluarsuk aammalu Timerliit illuaqqanut nunaminertanut immikkoortitanut ilaapput. Nunaqarfiit matuneqarnikut piniarnermut aalisarnermullu sanilliullugit inissisimalluartuupput, taamaalillutik sunngiffimmut siunertaqartumut orniginartuullutik, amerlanertigullu umiatsiamik tulaffissaqarnissamut periarfissagissaarlutik, ilaatigullu atortulersugaaneranut pilersuinissamullu attaveqaatit ineriartortinneqarsinnaallutik. 

Tassunga atatillugu unamminartua tassaavoq, atuisinnaatitaanermut nutaanngitsumik peqarpat, taava atuisumut nutaamut illunut nutaanngitsunut nunaminertamik atugassiinissamut imaluunniit isaterinissamut inatsisitigut qulakkeerinissamik periarfissaqanngimmat. 

Nunaqarfinni matuneqarsimasuni atorneqarsinnaasut atoqqinneqarsinnaaneranut inatsisip nalimmassarneqarsinnaassappat, tamanna naleqqunnerussagaluarpoq. 

Eqalunniartarfinni illuaqqat, tammajuitsussarsiniarlunilu piniariartitsinernut illuaqqat

Takornariaqarnermut ineriartortitsinermut atatillugu, takornariaqatigiinnut piniarnermik aalisarnermillu sammisunik misigisaqartitsinissamik pitsaasunik neqerooruteqarnissaq sammineqarpoq. Taamatut takornariaqartitsinermi sammisaqartitsisarnissamut akuersissuteqarnissaanut periarfissiinissaq naatsorsuutigineqarpoq, taamaalilluni qulannaatsumik aningaasaliinissamut periarfissamik qulakkeerinnittoqassaaq, soorlu aamma najugaqavissut eqalunniartarfinnut il.il. piniariartarnissaannut qulakkeerinnissinnaalluni. 

Maniitsup eqqaani eqalunniartarfinni takornarianut kiffartuussivissanik unnuisarfissanillu illuaraliortoqarnissaanut periarfissiinissaq naatsorsuutigineqarpoq.   

Sisoraatinik unammisarfinnut aammalu sisoraartarfeqarfinnut akunnittarfilinnut, takornariaqarnermullu illuaraqarfinnut nunaannarmi nunaminertanik immiikkoortitsineq.

Maniitsup kangisissuani Apussuit-ni sisorartarfimmut pioreersumut atatillugu, kommunip pilersaarusiorneqarneranut sisorartarfimmik nunaminertamik immikkoortitsisoqarpoq. nunaminertaq orniginartuuvoq, ukiullu sivisunerpaartaani takornariaqarnermik sisoraartitsisinnaanermik periarfissiilluni. 

Nunaannarmi pinngortitamik illersuineq.

Tunngavigisat pingaarnernut atatillugu nunaannarmi pinngortitamik illersuineq aammalu nunap immikkoortortaanik piumasaqaateqarfiusut naalagaaffiup susassaqarfii malillugit suliarineqarput, illersuinerit suut malinneqassanersut allassimallutik. Soorlu timmiaqarfiit aammalu nuna Ramsar-iusoq il.il..