Uaniipputit: Saqqaa Illoqarfinnut nunaqarfinnullu pilersaarutit Maniitsoq Aqquserngit aqqusineeqqallu aaqqissuussaanerat

Greenlandic   Dansk
Sisimiut Maniitsoq Attaveqaatit/ Umiarsualivik/ Mittarfik Aqquserngit aqqusineeqqallu aaqqissuussaanerat Illoqarfiup qeqqa Inissiaqarfik/najugaqarfik Inuutissarsiuteqarfik Suliffeqarfiit Sunngiffik Teknikkikkut atortuutit Maniitsoq nunataat Namminersorlutik soqutigisaat Aalajangersakkat Atammik Napasoq Kangaamiut Itilleq Sarfannguit Kangerlussuaq Aalajangersakkat Nalinginnaasumik aalajangersakkat

Aqquserngit aqqusineeqqallu aaqqissuussaanerat


Maniitsup qeqertaata avataatungaani aatsitsiveqarfimmut nutaamik aqqusinniornissamut nunaminertamik immikkoortitsisoqarpoq. Aqquserngup ingerlavissaata inissisimavissaanut Namminersorlutik Oqartussanit erseqqissaanissaata tungaanut, ingerlavissat assigiinngitsut marluk ingerlanneqarput, tassaallutik Ataata Ikerasaa qulaallugu ikaartarfiliorneq imaluunniit Kangilliit Ataatigut ingerlavissaq. 

Maniitsup illoqarfianiit illoqarfiup nutaap immikkoortuanut, qaqqaq putullugu, sulluliarsuarmik sanaartornermik ingerlatsisoqarpoq. Aqqusineq ingerlavissaq sanileriilluni ingerlaviusinnaanngorlugu pilersaarusiornermi ilanngunneqarpoq. 

Iliveqarfiup Qooruata qaqqaa sinaallugu, illoqarfik immikkoortortami nutaami aqqusernginik pisuinnaallu aqqutissaannik ilanngussisoqarpoq. Sulluliarsuarmut tapertaalluni ingerlavissaq, sulluliuarsuarmilu ajornartorsiortoqalissagaluarpat allamik ingerlavissaqarnermik qulakkeerinnittuussalluni. 

Aatsitsivimmiit illoqarfiup qeqqanut, inuutissarsiuuteqarfik pioreersoq, mittarfeqarfik aammalu umiarsualivimmik sanaartornerup nalaani biilinik angallanneq annertusisussaammat, Maniitsup illoqarfiani aqquserngit Akerbut – Suusaap Aqq. – Aqqulluk – Ortooqqap Aqq. – Niels Lyngep Aqq. pingaarnertut aqquserngit allilerneqarnissaat pisariaqartinneqassapput.

Pisuinnaat aqqutaasa aaqqissuussaanerat

Najugaqarfiit akornanni aammalu illoqarfiup qeqqani pisuinnarluni sikkilerluni pisariitsumik ingerlaviusinnaassaaq. Pisuinnaat sikkilertullu aqqutaat pioreersumut sanaartorneq immikkoortitsinermiittumi ingerlateqqinneqassaaq. Taamaalillutik atasinnaanera, ingerlaarnermi sillimaneq peqqinnerlu tunngavilerneqassapput. 

Najugaqarfiit kippasissumiittut illoqarfiup qeqqanut, atuarfimmut, peqqinnissaqarfimmut allaffeqarfimmullu orniginartumik angallannermullu sillimanartumik pisuinnarnut sikkilertunullu aqqutaanik ataatsimuulernissaat ukkatarineqarpoq, taamatuttaarlu Suusaap Aqqutaani pisuinnaat sikkilertullu aqqutaani alliliinissaq ukkatarineqarluni. 

Maniitup illoqarfiani bussinik aalajangersimasumik ingerlasoqalernikuuvoq, taamaalillutik pitsorluttut allallu ajornaquteqanngitsumik illoqarfimmi angalasinnaallutik. Illoqarfiup immikkoortortaata nutaap pilersinneqarnerani annertusarneqarnissaa naatsorsuutigineqassalluni. 


 

Killiffik attarissallu

 

Uannut suna atuuppa

  • Kommunimi pilersaarut
  • Kummunimi pilersaarummut tapiliussaq
  • Attavissat