Uaniipputit: Saqqaa Illoqarfinnut nunaqarfinnullu pilersaarutit Maniitsoq

Greenlandic   Dansk
Sisimiut Maniitsoq Attaveqaatit/ Umiarsualivik/ Mittarfik Aqquserngit aqqusineeqqallu aaqqissuussaanerat Illoqarfiup qeqqa Inissiaqarfik/najugaqarfik Inuutissarsiuteqarfik Suliffeqarfiit Sunngiffik Teknikkikkut atortuutit Maniitsoq nunataat Namminersorlutik soqutigisaat Aalajangersakkat Atammik Napasoq Kangaamiut Itilleq Sarfannguit Kangerlussuaq Aalajangersakkat Nalinginnaasumik aalajangersakkat

Maniitsoq


Maniitsoq kommunip illoqarfiata annersaasa aapparaa qeqertani, qooqquni amitsuni qaqqallu portusuut akornanni sanaartorfiunikuusoq. Illoqarfimmik pilersaarusiornissamut atatillugu pinngortitap pissusii unammillernartuupput pissanganartut. Soqutiginartumik illoqarfimmik avatangiiseqarnermik periarfissiissuupput, tamannalu Kalaallit Nunaani illoqarfinnit amerlanerusunit allaanerulluni. Kommunip pilersaarusiornerani nunap immikkuullarissuunera atorluarniarsarissavarput, taamaalillugu Maniitsumut nukinngortillugu. 

Piniarnermut aalisarnermullu tunngatillugu, illoqarfik pitsaalluinnartumik inissisimavoq, 1980-ikkullu naalernerata tungaanut aalisarnermik ineriartornermik ingerlalluarsimalluni, maannakkut suliffissaqartitsiniarnermi tunngaviunngilaq, Maniitsorlu naloraariamiippoq. 

Alumiiniumik aatsitserivimmik pilersitsinissamut 2013-imi 2014-imiluunniit aalajangiisoqassappat, tamanna suliffissanik nutaanik pilersitsiviusinnaavoq imaluunniit itigartitsisoqassaaq. Akuersisoqassappat taava Maniitsoq Kalaallit Nunaanni suliffissuaqarfittut ineriartornissaminik periarfissaqalissaaq. Qanorluunniit pisoqassagaluarpat, Maniitsumi inuutissarsiuteqarnikkut qanoq ineriartortitsisoqarnissaa qanorlu iliornikkut suliffissat amerlanerusut pilersinneqarsinnaanissaat eqqumaffigisariaqarpoq.

Alumiiniliorfimmik pilersitsinissamut aalajangiisoqassappat, tamanna suliffissanik nutaanik pilersitsiviusinnaavoq. Akuersissuteqartoqarpat, taava Maniitsoq Kalaallit Nunaanni suliffissuaqarfittut ineriartornissaminik periarfissaqalissaaq. Qanorluunniit inerneqaraluarpat, taava Maniitsup inuutissarsiutitigut qanoq ineriartortinneqarnissaanut aammalu suliffissaqarnikkut qanoq siammasitsigisumik pilersitsisinnaanermik aallussinissaq tunngavissaqarpoq.   

Kommunip pilersaarusiorneqarnermi tunngavigisat pingaarnermi Alumiiniliorfimmik pilersitsinissaq ilanngunneqarpoq, tassani ineriartornissamut periarfissat anguniarlugit, taamaalionikkullu innuttaasut amerlassusaannik ineriartortitsineqassalluni. 

Ukiuni aqqanermallunni kingullerni innuttaasut amerlassusaat appariartorsimavoq. Toqqaannartumillu innuttaasut 1999-imiit 2011-ip tungaanut ineriartornerata misissuinerit innuttaasunik 204-mik apparsimapput, taakkulu 2024-ip tungaanut missingersuinermi innuttaasut 2543-uussallutik, tassani suliffissaqartitsinermut nutaanik ineriartortitsinissamik aalajangiisoqanngippat.

Alumiiniliorfimmik pilersitsisoqarnermi, Greenland Development-imit nalilersuisoqarnerat tunngavigalugu, innuttaasut 1200-inik amerlisussaassapput. Takussutissami ilimasaarneqarpoq innuttaasut 2014-mi 3947-uunissaat, taamaalilluni innuttaasunik appariarneq qaffakkiartornermik taarserneqarluni 

Tunngavigisani pingaarnermi illoqarfik qanoq eqikkarneqarsinnaanera aallunneqarpoq, soorlu aamma illoqarfiup pioreersup iluani, inissiaqarnermik qanoq ineriartortitsisinnaanersoq aallunneqarluni. Taamaalilluni illoqarfik eqikkagaq piutiinnarneqarsinnaavoq, innuttaasut pisuinnarlutik imaluunniit sikkilerlutik illoqarfimmi angalasinnaassallutik, aammalu annertuumik biilinik ingerlaartut pinngitsoorneqarsinnaallutik. Illoqarfimmik immikkoortortamik nutaamik pilersitsinermi, biilit uninngasarfissaannik annertunerusumik pisariaqartitsilernissaa naatsorsuutigineqassammat. 

Maniitsumi illoqarfimmik innarluutillit, pitsorluttut innuttaasunullu nalinginnaasumik angalasinnaasunut ingerlaviusinnaasumik sanaartornissamut anguniakkat atatiinnarnissaat unammillernartuuvoq. majuartarfiit taarserneqarnissaanut imaluunniit tapiliuteqarfiginissaannut suliniutit tamarmik allamik periarfissamik nutaarliornermik aaqqiissuteqartariaqarput. 


 

Killiffik attarissallu

 

Uannut suna atuuppa

  • Kommunimi pilersaarut
  • Kummunimi pilersaarummut tapiliussaq
  • Attavissat