Uaniipputit: Saqqaa Illoqarfinnut nunaqarfinnullu pilersaarutit Kangerlussuaq Inissiaqarfik/najugaqarfik

Greenlandic   Dansk
Sisimiut Maniitsoq Atammik Napasoq Kangaamiut Itilleq Sarfannguit Kangerlussuaq Attaveqaatit Aqquserngit aqqusineeqqallu aaqqissuussaanerat Illoqarfiup qeqqa Inissiaqarfik/najugaqarfik Inuutissarsiuteqarfik Suliffeqarfiit sunngiffillu Teknikkikkut atortuutit Kangerlussuaq nunataat Namminersorlutik soqutigisaat Aalajangersakkat Aalajangersakkat Nalinginnaasumik aalajangersakkat

Inissiaqarfik/najugaqarfik


Nunap ilaani najugaqarfissanik sanaartorfiusut kingulliit tassaapput, mittarfeqarfiup eqqaani aammalu mittarfiup kujataani illoqarfimmi. Najugaqarfinnut arlalinnut suli inissaqarpoq, kommunip pilersaarusiorneqarnerani tapiliussaq 40-mi nunaminertaq najugassanut 64-it missaanut sanaartorfigissaaneqarput. 

Mittarfiup eqqaani najukkanik sanaartornissamut periarfissat killeqarput, tassanilu timmisartornermik angallannermi nipiliortoqartarneq peqqutaavoq, minnerunngitsumillu isigiginnaassutsimut aammalu akornutaasunut tunngasunik peqquteqarluni. Illoqarfiup ineriartortinneqarnissaanut atatillugu, nunaminertat ullumikkut ilanngunneqareersut saniatigut najugaqarfinnik sanaartorfissanik nunaminertanik pisariaqartitsisoqarsinnaavoq. 

Kommunip pilersaarusiorneqarneranut siunnersuummi mittarfiup illuatungai illugiillugit, ilaatigut nunaqarfiup qeqqata avannaatungaata ilaata kujataani, ilaatigullu mittarfeqarfiup kujammut kitaatungani umiarsualivimmut aqqusineq sinerlugu nunaminertat ilanngunneqarput.

Kangerlussuarmi atunngitsunik illorsuaqarpoq, taakkulu ilaat inissiaqarfittut suliarineqarsinnaallutik. 

Kangerlussuup naapertuuttunngorsarneqarneraniit, sulisut kisermaaninngaanniit ilaqutariikkaanut allanngoriartorsimapput, taamaalillutik najugaqarfiit annertunerusut pisariaqartinneqarnerat annertusisimalluni.