Attaveqaatit

Akiani sanaartugassat 800-1000-illu akornanni suli inissaqartinneqarlutik, najugaqarfissiat annertusineqarsinnaasut Akianiipput. Najugaqarfissiat kitaata-tungaanit (ikaartarfimmi mittarfiullunga tungaanut aqqusinermi) kangia-tungaanut annertusineqassapput. Ulluinnarni atortussanik niuertarfinnut, meeqqerivinnut, atuarfinnut utoqqarnullu inissiassanut nunaminertanik immikkoortitsisoqassaaq. 

Najugaqarfissianut pioreersunut atatillugu eqikkaanissaq, immikkoortullu tikikkuminaassinnaasut, ilaatigullu avannaatungaani kitaatungaanilu uinganersani nunaminertat isikkivigissumiittulli atorluarneqarnissaat sulissutigineqarpoq. Nunaminertat taakku najugaqarfissianngortinneqarnissaat siunertaralugu sanaartorfigissarneqarnissaannut aningaasartuutissat nalinginnaasumit annerussasut naatsorsuutigineqarpoq, taamaakkaluartorli illoqarfiup qeqqanut pisuinnarnut qanissallutik. 

• Berthelsenip aqqutaata avannaatungaani siammasissunik pukkitsunillu sanaartukkat qulit missaat, sanaartukkallu akulikitsut pukkitsullu 20-t missaat.
• Immikkoortortami A11-mi Paaraarsummilu qularnanngitsumik illut assigiinngitsuullutik siammasissunik pukkitsunillu, akulikitsunik pukkitsunillu imaluunniit quleriinnik assigisaannilluunniit 50-it 80-illu akornanni sanaartorneqarsinnaassapput.
• A13-ip, Umiivitsiap kujataani-kangisissuiani nunaminertaq ilinniartut inaannik sanaartorfissatut immikkoortitaavoq. Ilinniartut inaat 240-t missaat sanaartorneqarsinnaassasut naatsorsuutigineqarpoq. Immikkoortortami pisuinnarnut aqqusiinikkut ilinniarfiup tungaanut pitsaasumik aqqusiisoqarsinnaassaaq.
• Qiviarfiup Nikkorsuillu akornanni aamma Eqqaavimmut aqqutaani nunap sannaanut tulluartumik sanaartornikkut ilinniartunut inissialiortoqarsinnaakutsoorpoq. Taamatuttaaq arsaattarfiup eqqaani naleqqussakkamik sanaartorluni ilinniartut inaat eqikkarneqarsinnaapput.
• Blokkit qaqortut ingutserneqarnerinut atatillugu ilinniartut inaannik sanaartortoqarsinnaassaaq. 

Ataatsimut isigalugu ukiut aqqaneq-marluk ingerlanerini ilinniartut inaat 320-t 400-llu akornaniittut pisariaqartinneqartussatut naatsorsuutigineqarpoq, taakkulu siuliani nassuiaatigineqartutut sanaartorneqarsinnaanissaat naatsorsuutigineqarluni