Uaniipputit: Saqqaa Illoqarfinnut nunaqarfinnullu pilersaarutit Itilleq Teknikkikkut atortuutit

Greenlandic   Dansk
Sisimiut Maniitsoq Atammik Napasoq Kangaamiut Itilleq Attaveqaatit Nunaqarfiup aaqqissuussaanera Suliffeqarfiit sunngiffillu Teknikkikkut atortuutit Itilleq nunataat Namminersorlutik soqutigisaat Aalajangersakkat Sarfannguit Kangerlussuaq Nalinginnaasumik aalajangersakkat Aalajangersakkat

Teknikkikkut atortuutit


Imermik pilersorneqarneq.

Imermik pilersuineq imaaniit imermik tarajuuiaanikkut nunallu iluaniit milluaanikkut atortumik atortulerluni Nukissiorfinnit ingerlanneqarpoq.

Imermik tarajulimmik milluaaneq avannaatungaani kangerliumanermit pisarpoq, ajuusakkaluarpoq, tassami illut ilarpaalui kangerliumanermut tassungarpiaq imikumik kuutsitsisuummata.

Innaallagissamik pilersorneqarneq

Nukissiorfiit innaallagissamik pilersuisuupput.

Itilleq innaallagissiuummik diesel-tortumik talittarfiup eqqaani inissisimasumiit pilersorneqarpoq, innaallagissiuummiillu kissaq sinnerottoq atorneqarneq ajorpoq.

Kuuffissuit.

Kuuffissuit kommunip susassaqarfigivai

Nunaqarfik kuuffissuaqanngilaq. Perusuersartarfiit puussiarsui atorlugit isumagineqartarpoq, anartarfilerisarfimmiit eqqaavissuup eqqaani inissisimasumiit imaanut kuutsitsinikkut imaarneqartarlutik. Illumiit imikut illullu qalianiit imeq kuuttoq nunamut kuutsinneqartarput. 

Eqqagassalerineq.

Eqqagassalerisarneq kommunip susassaqarfigivaa.

Eqqagassat ikuallaaveeqqami suliarineqartarput ikuallanneqartarlutillu kissamik sakkukitsumik atuilluni, aammalu kisamik pilersuinermik atuisoqarfiunngitsumi.    

Tamanna tulluartuunngilaq aammalu eqqagassanik ikuallaasarnermi tulluarnerusumik qulakkeerinnittoqartariaqarpoq, imaluunniit eqqagassanik suliarinninnermi isumannaannerusumik aaqqiissutissanik qulakkeerinnittoqarluni. 

Atuarfiup eqqaani inissisimanera tulluartuunngilaq, kimmut ungasinnerusumut nuutsinneqarsinnaanera eqqarsaatersuutigisariaqarpoq. (Anartarfinnik kuutsitsiffiusoq sarfartuumut nuunneqartariaqarpoq, imermik tarajulimmik tigooraavimmiit peerneqarluni).

Ungasinnerusoq isigalugu eqqagassat ikuallassinnaasut immikkoortiterneqartalertariaqarputSisimiunilu kissamik annertunerusumik sinneruttumik tuinisiffiusartumi ikuallatassanngorlugit assartoneqartalerlutik.   

Tele.

Tele-p napparussua nunaqarfiup kangiatungaani qaqqami inissisimavoq, tasssani aamma qulimiguulinnut mittarfeeraq Tele-miinnaq atugassiaasoq inissisimavoq. Nunaminertaq pallitsaaliugaasoq nunap assingani takuneqarsinnaavoq.