Uaniipputit: Saqqaa Illoqarfinnut nunaqarfinnullu pilersaarutit Atammik Attaveqaatit

Greenlandic   Dansk
Sisimiut Maniitsoq Atammik Attaveqaatit Nunaqarfiup aaqqissuussaanera Suliffeqarfiit sunngiffillu Teknikkikkut atortuutit Atammik nunataat Namminersorlutik soqutigisaat Aalajangersakkat Napasoq Kangaamiut Itilleq Sarfannguit Kangerlussuaq Nalinginnaasumik aalajangersakkat Aalajangersakkat

Attaveqaatit


Nunaqarfinnut pilersuinermut immakkut assartuutinut umiatsianullu minnerusunut inunnik assartuutinut kiisalu aalisartunut piniartunullu talittarfimmik puttasumik pilersitsisoqarnikuuvoq. Taakku saniatigut aalisakkerivik nammineq talittarfiuteqarpoq. Sunngiffimmi aalisartut pitsaanerusumik sullinniarlugit talittarfiup annertusarneqarnissaanik pisariaqartitsisoqartoq nunaqarfimmiit eqqaaneqarnikuuvoq.  

 Atammimmiit Atammimmullu inunnik assartuussineq angallatinik inunnik assartuinissamut akuerisaasunit imaluunniit inuinnaat umiatsaaraannit pisarpoq. Atamimmiit Nuummut Maniitsumulluunniit assartuussineq akunnerni 2 – 3-nik sivisussuseqarpoq. Angalanerup sivisussusaa pissutigalugu angallateeqqat amerlasuut angalanerminni Atammik uniffinnaarivaat, nunaqarfimmi niuertunut iluaqutaasumik.

 Nioqqutissanik assartuineq Royal Arctic Line, RAL-imit isumagineqarpoq, pilersuinermullu umiarsuaaraq atorlugu sapaatip akunnera allortarlugu Atammik tikinneqararpoq.

 Aammattaaq timmisartuutileqatigiiffinnit assigiinngitsunit miffigineqarsinnaasumik Atammimmi pisortat pigisaannik qulimiguulinnut mittarfeeqqamik pilersitsisoqarnikuuvoq.

 Nunaqarfimmi najugaqarfinnut assigiinngitsunut nunaqarfimmilu atortunut aqquteqarpoq.