Atammik nunataat


Taaneqareersutut Atammik qeqertami inissisimavoq, nunaqarfiullu tunuani kangerlerlummi pinngortitaqarpoq pisusssutilissuarmik piniarfigissaartumik takornarissanullu misigisaqarfiulluarsinnaasumik.

Taamaalilluni kuunnik eqaloqarfeqarpoq aavarnissamullu periarfissaqarluni, aammalu eqalunnianut immaqalu tammajuitsussarsiorluni piniartunut illuaraliinikkut takornarissanut suliniutinik pilersitsisoqarsinnaavoq.

Nunap timaani illuaqqanik piniariartarfinnik oqquiffissianillu kiisalu sunngiffimmi illuaqqanik arlalinnik pilersitsisoqarnikuuvoq, kisianni tammajuitsussarsiorluni piniartunut aammalu eqalunniartunut takornarissanullu illuaqqanik suli pilersitsisoqarnikunngilaq.

Nunap timaata ilarujussuani aatsitassanik assigiinngitsunik ujaasinissamut akuersissutinik tunniussisoqarnikuuvoq, taamaattumik siunissami suliffissaqarniarnikkut nunaqarfimmi sunniuteqarsinnaanissaa naatsorsuutigineqarpoq.

Kommunip pilersaarusiorneqarnerani nunaminertamik immikkoortitsisoqanngilaq, kisianni siunissami eqqarsaatissatut eqqaaneqaannarpoq.