Uaniipputit: Saqqaa Illoqarfinnut nunaqarfinnullu pilersaarutit Aalajangersakkat Immikkoortut ilaat Vedtaget 957-K32.1

Greenlandic   Dansk

957-K32.1

Bestemmelser | Redegørelse

Bestemmelser
Killiffik Akuerisaq 
DETAILPLANNAVN Maniitsumi Kangerlussuatsiami Tasiussami sunngiffimmi illuaqqat aasarsiortarfiillu il.il. 
Immikkoortup atorneqarnissaa Imm. 1. Immikkoortup tamakkiisup atorneqarnissaa illuaraqarfittut immikkoortitaavoq, ukuusinnaasunut;

__Sunngiffimmi illuaqqat aasarsiortarfiillu piffissami sivikitsuinnarmi najorneqartartussatut naatsorsuussaasut,

__Illuaqqat piniariartarfiit oqquisarfillu
kommunimit peqatigiiffinniit il.il. pilersinneqarsimasut aammalu annertunerusumik piniarnermut atorneqartussat imaluuniit ajutuulernermut atatillugu atorneqarnissamut piareersimasut.
Taamaalillutik illuaqqat inunnit ataasiakkaanit pilersinneqartut/simasut piniariartarfiunatillu oqquisarfiunngillat.

__Takornarissanut illuaqqat
inuutissarsiutigalugu atorneqartut attartortinneqartulluunniit, taamaattorli illuaraqarfinni ataasiakkaani takornarissanut illuaqqat amerlanerpaamik pingasut.

Imm. 2. Immikkoortut immikkoortitap iluani suliffeqarfinnik nipiliortunik, pujuliortunik, tipiliortunik, sajutsitsisunik imaluunniit arlaatigut avatangiisinut akornutaasut ingerlanneqassanngillat.

Imm. 3. Immikkoortumi qimmiliveqartoqassanngilaq. 
Sanaartukkap annertussusissaa sumiinnissaalu Imm. 1. Immikkoortumi immikkoortinneqartumi kuunnut sinerissamullu 100 m-imik qaninnerusumi illuaraqarnissaa akuersissutigineqarsinnaavoq.

Imm. 2. Illuaqqat piniariartarfiit oqquisarfiillu sunngiffimmilu illuaqqat nunaminertaq atugaat 60 m2 sinnersimassanngilaa.

Imm. 3. Takornarissanut illuaqqat, qui ilanngullugu nunaminertaq atugaat 80 m2 sinnersimassanngilaa.

Imm. 4. Immikkoortup iluani illuaqqat nutaat illuaqqamit pioreersumit imaluunniit illuarassatut toqqavissatulluunniit qinnuteqaataasumit, illuaqqap isorpiaanit uuttorlugu 60 m-imit qaninnerutinneqassanngillat.

Illuaqqat toqqavinni pioreersuni kiisalu nunaqarfiusimasuni sananeqartut uani pineqanngillat, tamatumani illuaqqat akornanni imminnut 30 m-imik ungasissusilerlugit sananeqarsinnaanerat akuersissutigineqarsinnaalluni.

Imm. 5. Illuaqqap eqqaamiussap 60 meterimik qaninneru-sumik illuaqqiornissamik qinnuteqartoqassagaluarpat, illuaqqanik 60 meterimik qaninerusumik piginnittunut tusarniaasoqassaaq. 60 meterimik qaninnerusumik illuaraatilik illuaraatillilluunniit attugaasut illuaraqqap kissaatigineqartup sananeqarnissaa kissaatiginngippassuk, taava illuaqqiassamut akuersissuteqartoqarsinnaanngilaq. Akerliliissut akuersissutigineqarpoq.

Imm. 6. Takornarissanut illuaqqat illuaqqaniit piniariartarfinniit oqquisarfinniillu sunngiffimmilu illuaqqaniit minnerpaamik 500 meterimik ungasissusilerlugit sananeqassapput. Takornarissanut illuaqqanik arlalinnik ataatsimoortunik (annerpaamik pingasut) sanasoqassappat, imminnut qaninnerpaamik 20 meterimik ungasissusilerlugit sananeqassapput.



Imm. 7. Immikkoortup K1-ip iluani illuaqqat illuaqqamit pioreersumit qinnuteqaataasimasumilluunniit imaluunniit toqqavimmiit, illuaqqap teqeqquaniit uuttorlgu, illuaqqat nutaat sananeqaqqusaanngillat. Illuaqqat toqqavinni pioreersuni sananeqartut uani pineqanngillat.

Imm. 8. Pisariaqartitsineq sinnerlugu portunerusumik toq-qavilerneqassanngillat. Toqqavik pukkinnerpaaffimmini 0,5 m sinnerlugu nunamiit uuttorlugu portunerutinneqassanngilaq.

Imm. 9. Illuaqqat nutaat kuunnit tatsiniillu eqaloqarfinniit 200 meterimik qaninnerusumik sanaartornqasssanngillat.

Imm. 10. Illuaqqat nutaat qanganitsat eqqaassutissanit taku-tinnneqartuniit imaluunniit ersittuniit 200 meterinik qaninnersumik sanaartorneqassanngillat.

Imm. 11. Illuaqqat annerpaamik 1 ½-imit quleriilerlugit sa-naartorneqarsinnaanissaat akuersissutigineqassaaq, tassa qalia atorneqarluni naqqoqaratillu.

Imm. 12. Toqqaviata qaavaniit portussuseq illup qimerluua-nut annerpaamik 6 meteriussaaq.

Imm. 13. Illuaqqamiit 10 meterimit ungasissusilimmi tullinn-guuttunik atortulersuisoqarsinnaanera imaluunniit sanaartoqarsinnaaneranik periarfissiisoqassasoq, nunamiertamik atugassinneqarnissamik qinnuteqaqqaarani, illuaqqanut nunamiertamik atugassiisoqareertillugu:

__Illuaqqamut ataatsimut qui annerpaamik 12m2,

__Aneerasaartarfik annerpaamik 15m2,

__Erfalasulerfik annerpaamik 12 m-imik portussusilik, nunap qaliapaataasa assinganik qalipaatilik, taamaasilluni nunamut assinguniassammat,

__Ikaat annerpaamik 15 m2-inik annertussusillit. 
Sanaartukkap silatimigut isikkussaa Imm. 1. Illuaraq silatimigut isikkua aserfallatsaalisimasutut isikkoqarfinneqassaaq.

Imm. 2. Illuaqqat silatimikkut iikkersuutaat qisummik qal-lerlugit, ujaqqanik, issunik ataatsimoortillugilluunniit sananeqarsinnaapput.

Imm. 2. Illuaqqat silataasai iikkesuuttaasa ilaat annikinneru-sumik ujaqqanik, issunik, igalaaminernik, eternittinik suliarineqarsinnaapput. Taamaattorli qalissailersuinermi qallersuutit assigisaallu akimut ersittut seqersitsinerlu ajortut atorneqarsinnaaneri akuersissutigineqarsinnaapput.

Imm. 3. Iikkersuutit qisuusut akulersugaanngitsutut imaluunniit qaliapaatinik taartunik (qernertoq, tungujortoq taartoq, qorsuk taartoq) imaluunniit nunap qalipaatigisaanik (terra de sienna, umbra, svenskrød, italienskrød aamma dodenkopf) qernertumik akuukkanik qalipaasersorneqarsimassapput.

Imm. 4. Qaliat tamaallaat qasersunik qernertunilluunniit, ivikkanik issunilluunniit aammalu savimminernik seqersitsineq ajortunik qalissialesorneqassapput. 
Aqquserngit, pisuinnaat aqqutaa biilinullu inissiiviit Imm. 1. Angallavissat immikkoortinneqartut saniatigut aqqusinernik pilersitsisoqarsinnaanngilaq.

Imm. 2. Nunaminertami illuaraqarfimmi ataatsimi puttasumik minnerusumik ataatsimik pilersitsioqarsinnaavoq, taakkulu ilusilersorneqassapput tatsit nunatarlu eqqarsaatigalugit.

Imm. 3. Puttasut minnerit nunaminertamik atugassinneqar-nikumik/nik aserfallatsaalineqassapput, takkulu kikkunnit tamanit atorneqarsinnaassallutik, nunaminertami pineqartumi illuaraateqartuniit.

Imm. 4. Maleruagassat atuuttut malillugit tamatigut putta-sumut nunaminertamik atugassinneqarnissamik qinnuteqartoqartassaaq. 
Nunaminertat sanaartorfiunngitsut Imm. 1. Nunatap pissusaanik allanngortitsisunik atortunik pilersitsoqassanngilaq.

Imm. 2. Immikkoortumi containerinik inissiisoqassanngilaq.

Imm. 2. Nunap iluarsaanneratigut, assiaqusersuinikkut assi-gisaatigullunniit nuna allanngorteqqqusaanngilaq.

Imm. 3. Illuaqqamik piginnittoq illuaqqap eqqaani nunatap torersuutinnissaanut saligaatsuutinnissaanullu pisussaavoq.

Imm. 4. Illuaqqamut nunaminertamik atugassiinermut atatil-lugu naatsiivinnik annerpaamik 10 m x 10 m anner-tussusilinnik pilersitsisoqarsinnaavoq. Naatsiivik illuaqqamiit 30 m-inik ungasissusilerlugu pilersinneqassaaq.

Imm. 5. Kommunalbestyrelsimiit immikkut ittumik akuersissummik pisimatinnani, immikkoortup iluani ungalunik pilersitsisoqassanngilaq. 
Sanaartukkanik pioreersunik avatangiisiannillu allanngutsaaliuineq Qanganitsat eqqaassutissat

Imm. 1. Illuaqqanut nunaminertanut immikkoortinneqartuni nutaamik illuaqqiornermut atatillugu soorlu inoqarfikunik, attakunik, tupeqarfikunik, ilerrinik ujaqqanilluunniit qammagaqarpat, tamanna illuaqqiortup Nunatta Katersugaasivianut nalunaarutigissavaa.

Imm. 2. Qanganitsanut eqqaassutissat soorlu inoqarfikunik, attakut, tupeqarfikut, ilerrit ujaqqanilluunniit qammakkat ajoquserneqaqqusaanngillat kusanaallisarneqaqqusaanatillu. 
Teknikkikkut atortuutit Imm. 1. Qalianit imeq kuuttoq iggavinniillu imikoq illumiit ima ungasissusilerlugu nunatamut kuutsinneqassaaq, toqqavimmut kuuttussaajunnaarlugu. Kuutsitsineq eqqaani sanaartukkanut nunaminertanullu sanaartorfiunngitsunut akornutaassanngilaq.

Imm. 2. Eqqagassat illuaqqamik piginnittup ikuallanniann-gikkunigit nassartassavai. Illuaqqat eqqaanniittut pinngortitarluunniit eqqaaniluunniit illuaraatillit allat akornusersornagit ikuallaasoqartassaaq.

Imm. 3. Eqqagassat ajortiasut nunamut matoorunneqarsin-naapput, ikuallanneqarsinnapput nassarneqarsin-naallutik. Eqqagassat ajortiasut matoorunneqassagunik ikuallanneqassagunilluunniit kuunnut eqaloqarfinnut tatsinullu minnerpaamik 200 meterinik ungasitsigisumi taamaaliorneqassapput.

Imm. 4. Anartarfiit immamut imaarneqarsinnaasut atorne-qartassapput, puussiartakulluunniit nunamut matoorunneqarlutik.


Imm. 5. Kuuffilersuinikkut anartarfiit kuutsittakkat ikkus-suunneqaqqusaanngillat. Illuaqqat pioreersut kuut-sittakkanik anartarfilinnut piginnittut imikumik ima kuutsitsisassapput, najugaqartunut allanut avatan-giisimulluunniit akornusersuutaanngitsumik.

Imm. 6. Innaallagissiuteeralerniaraanni, sapinngisamik nipi annikillisikkumallugu innaallagissiuteeraq quimut inissinneqartassaaq.

Imm. 7. Innaallagissiuteeqqanik atuineq sapinngisamik eq-qaamiunut akornusersuutaassanngilaq.

Imm. 8. Innaallagissat aqqutaat ingerlaartumi illuatungaanni tamani 100 meterimik aalajangersaasoqarpoq, taassumalu iluani illuaqqanik pilersitsisoqaqqusaanngilaq. 
Avatangiisinut tunngasut Imm. 1. Nunamik, kuunnik, tatsinik imarmilu mingutsitsi-soqaqqusaanngilaq.

Imm. 2. Uumasut miluumasut, timmissat, aalisakkat naasullu nunaannarmiittut inatsisiliornermi tamakkiisumi sukkulluunniit atuuttuusumi ilaatinneqarput.

Imm. 3. Sanaartornerup nalaani, illuaqqallu naammassisi-masut atorneqarneranni uumasut pinngortitarlu eq-qarsaatigineqartassapput, taamaaliornikkut sumiiffik mingutsinneqartussaajunnaarlugu kusanaallisar-neqartussaajunnaarlugulu. Atortussanik illuaqqap silataaniitsitsisarnerit illersorneqarsinnaasumik pisassapput.

Imm. 4. Nunaminertani sanaartorfiusimanngitsuni sanaar-tornermi sapinngisamik nuna allanngutsaaliorniar-neqartassaaq. Naasunik/ pinngortitamik ajoqusiisimanerit nutaamik naatsitsiviussapput. 
Illoqarfimmi immikkoortumut pilersaarutip aamma/imaluunniit kommunip pilersaarusiorneqarneranut tapiliussap atorunnaarsinneqarneri Pilersaarutip matuma akuersissutigineqarneranut atatillugu Maniitsoq Kommune-mi Nunaannarmut pilersaarut nr. 2 pilersaarummut matumunnga tunngassutillit atorunnaarsinneqarput. 
BILAG_DA_1 pdf k32_1cm500m.pdf (570 KB) 
BILAG_GL_1 pdf k32_1cm500m.pdf (570 KB) 
redegoerelse

 A. Tunuliaqutaq

Nunaannarmi illuaraqarfinnut aalajangersakkat nunaannarmut Nuna tamakkerlugu pilersaarusiornermi malittarisassanik aammaluSisimiut Kommunerisimasaani Maniitsullu Kommunerisimasaani nunaannarmut pilersaarutaasunit marluusunit aallaaveqartinneqarput.

Nuna tamakkerlugu pilersaarusiornermi malittarisassat pilersaarutinillu nutaanngitsunit marluusunit kiisalu illuaraqarfinnut pilersaarusiorneq siumut isiginnittumik, nunap timaani soqutigisat, assigiinngitsut naleqqussarneqarnissaat siunertaavoq.

Uani ilaatigut taaneqarsinnaapput pinngortitamut soqutigisat, kulturikkut oqaluttuarisaanermut soqutigisat, sunngiffimmi aalisarnermut soqutigisat, inuutissarsiutigalugu piniarnermik aalisarnermillu soqutigisat, inuutissarsiutigalugu takornarialerinermik soqutigisat innuttaasullu sukisaarsaarnissamut soqutigisaat, soqutisat assigiinngitsut nassuiarneqarnerannut iserfissaq.

Illuaraqarfiit iluanni, sapinngisamik nunaminertat pinngortitatut isikkoqartinneqarnissaat illuaqqallu avinngarusimanissaat siunertaavoq. Taamalilluni nunaannarmiinnermik misigisimanissaq paariinnarneqassaaq.

B. Immikkoortoq pilersaarusiorfiusoq ullumikkut.

Inissisimanera

Nunaannarmi soqutigisat assigiinngitsut allat sapinngisamik naleqqussarniarlugit kiisalu kisarfiusinnaasut, imermik pilersuiffiusinnaasut sumiinneri, silamik anorimillu pissutsit tulluarnerpaaffiini illuaraqarfiit immikkoortinneqarput.

Immikkoortup ilarpassui nunaqarfikunik ilaqarput.

Immikkoortoq pilersaarusiorfiusoq 957.K32.1 Tasiussami, Kangerlussuatsiamut pulasarissami inisssisimavoq.

Atorneqarnissaa

Immikkoortoq pilersaarusiorfiusoq ullumikkut illuaraqarfittut atorneqarpoq.

C. Siunertaq

Siunertaq tassaavoq;

__nunaannarmi soqutigisanit assigiinngitsunit akuerineqarsinnaasumik tulluartumik atorneqarnissaata qulakkeerneqarnissaa,

__nunaannarmiinnermik misigisimanerup paariinnarneqarluni illuaqqanut nunaminertanik qulakkeerneqarnissaa.

D. Imarisaa

Immikkoortup pilersaarusiorfiusup illuaqqat sumi sananeqarsinnaanerinik killilersuinernik tikkuussivoq.

Illuaqqat inissisimaffisaanik, annertussusissaanik, ilusilersugaanissaanik, illuaqqiornermi atortussat suut atorneqarnissaat aamma illuaqqat qanoq qalipaasersorneqarnissaat ilanngullugit malinneqartussanik aalajangersakkanik aalajangersaasoqarpoq. Nunaminertat sanaartorfiusussaanngitsut pillugit, teknikkikkut atortussanut avatangiisinullu il.il. aamma aalajangersaqarpoq.

E. Pilersaarutinut allanut attuumassutsit

Nuna tamakkerlugu pilersaarusiorneq

Immikkoortumik pilersaarusiornerup nuna tamakkerlugu pilersaarusiornermut sunniuteqanngilaq.

Pinngortitamik illersuineq pillugu inatsit

Nunaannarmut pilersaarut Pinngortitamik illersuinermik inatsimmik ilaavoq – Pinngortitamik illersuineq pillugu Inatsisartut inatsisaat nr. 29, 18. december 2003-meersoq. Inatsisip Kallaallit Nunaanni pinngortitap illersueqataaffigissavaa.

Illersuineq pissaaq uumassusileqarfiit piujuaannarnissaat tunngavigalugu, mianersornissamik tunngavissat naapertorlugit aamma inuit inuunerminni atugarisaat aammalu uumasut naasullu piujuaannarnissaat ataqqillugit.

Inatsisartut inatsisaanni pingaarnertut anguniagaapputt:

1) uumassusillit assigiinngitsut amerlassusiisa assigiinngiiaarnerisalu, tassunga ilaallutik uumassusillit kingornussisarnermut pisataat, uumasut aalajangersimasut, uumasut najugannaavi uumasoqarfiillu, illersorneqarnissaat,

 2) uumassusileqarfinnik piujuaannartitsineq tunngavigalugu pisuussutinik uumassusilinnik iluaquteqarnissaq,

 3) nunami nalillit pigiinnarnissaat paaqqutarinissaallu,

 4) innuttaasut pinngortitami pisuussuteqaqisumi angalaarlutillu uninngaarsinnaanissaasa periarfissinneqarnissaat,

aamma

5) nunarsuarmioqatigiit pinngortitaq pillugu isumaqatigiissutaasa pisariaqarnera naapertorlugu Kalaallit Nunaanni inatsisiliornermi atuuttussanngortinneqartarnissaasa qulakkeerneqarnissaat.

 Tamatuma saniatigut Inatsisartut inatsisaatigut makku qulakkeerinneqataaffigineqassapput:

1) nunami imaanilu uumasut nujuartat, naasut uumasuaqqallu isaannarmik takuneqarsinnaan-ngitsut inuiaqatigiinnillu kalaallinit pigineqartut kingornussisarnermut timiminni pisataasa inuiaqatigiinnut iluaqutissanngortinneqarnissaat, aamma

 2) pinngortitap inuillu peqqissusiisa uumassusillit kingornussisarnermut timiminni pisattamikkut allanngortitaasut iluaqutigineqarnerannut, atugaanerannut aqunneqarnerannullu atatillugu illersorneqarnissaat..

Asimi illersuutitut killigititat

Pinngortitamik illersuinissamut inatsimmi kapitali 8. §§ 25, 26, 29 aamma 30 naapertorlugit asimi illuaqqat pillugit tullinnguuttunik aalajangersaasoqarpoq:

Illoqarfiit nunaqarfiillu killeqarfiisa avataanni pinngortitami immikkut ittunit ataani taaneqartunit 100 meterinik qaninnerusumi illunik (illuaqqat piniariartarfiit oqquisarfiillu kiisalu takornarissanut sunngiffimmilu ornittakkat illuaqqat) inissiisoqassanngilaq, naasunik orpinnilluunniit ikkussuisoqassanngilaq, naatitsisoqassanngilaq kussiortoqaranilu imaluunniit allatigut nunap pissusia allanngortinneqassanani:

-        Tatsit tarajuusumik imeqartut aamma tatsit tarajornitsuusut (Nunaannarmut pilersaarutip nunataani peqanngilaq).

__Kuuit eqaloqarfiit

__ Puilasut kissartut (Nunaannarmut pilersaarutip nunataani peqanngilaq)..

Pinngortitamut illersuinissamut inatsit kommunip pilersaarusiorneqarneranut (nunaannarmut pilersaarummi) ungasissusiliinernut piumasaqaatinik aalajangersaanissanik allanik periarfissiivoq.

__ Piniariartarfiit oqquisarfiillu ataasiaakkat, kommunip pilersaarusiorneqarnerani (nunaannarmut pilersaarummi) aalajangersarneqarpat, sinerissamiit 100 meterinik qaninnerusumi inissinneqarsinnaapput.

__Takornarissanut sunngiffimmilu illuaqqat, kommunip pilersaarusiorneqarnerani aalajangersarneqarpat, sinerissamiit 100 meterinik qaninnerusumi inissinneqarsinnaapput, tatsiniillu tarajuusunit tatsinillu tarajornitsuniit, kuunnit eqaloqarfinniit puilasunillu kissartuniit 100 meterinik qaninnerusumi inissinneqarsinnaapput.


Qanganitsanut eqqaassutissat imaaliinnarlugit peerneqarsinnaanngitsut

Qanganitsat eqqaasutissat imaaliinnarlugit peerneqarsinnaanngitsut 1990 sioqqullugumeersut Kulturikkut eriagisassat eqqissisimatitaanerat pillugu Inatsisartut inatsisaanni ilaapput.

Tamanna isumaqarpoq;

Assaanerup nalaani qanganitsamik eriagisassamik imaaliinnarlugu peerneqarsinnaanngitsumik naammattuuisoqarpat sanaartortitsisup nassaarneq erngertumik Nunatta Katersugaasivianut nalunaarutigissavaa, suliarlu qanganitsamik eriagisassamik imaaliinnarlugu peerneqarsinnaanngitsumik attuisoq unitsinneqassaaq. Nunatta Katersugaasiviata aalajangissavaa qanganisarsiornikkut misissuinermik aallartitsisoqassanersoq

Timmissat pillugit nalunaarut

Timmissat pillugit nalunaarut 21. januar 2004-imeersup siunertarivaa timmissat atorluaanikkut illersuinerlu eqqarsaatigalugit oqimaaqatigiinnissaasa qulakkeerneqranissaat.

Timmissat pitsaanerpaamik piaqqiorsinnaanerisa qulakkeernissaat anguniarlugu Timmissat pillugit nalunarummi § 8-mi tullinnguuttut aalajangersarneqarput:

Timmissat piaqqiorfii

Nalunaarummi matumani timmissat piaqqiorfigalugu ineqarfiattut paasineqassaaq timmissat imarmiut aappariikkuutaat ikinnerpaamik qulit piaqqiorfigisaat.

Imm. 2. Eqqarneq allatulluunniit pisariaqanngitsumik ajoqusersuineq timmissat piaqqiorfiinut ungasissutsit uku iluini inerteqqutaavoq:

1) 5000 meterit, timmissat piaqqiorfii appanit, appanit sigguttuunit, apparlunnit, appaliarsunnit, taateraanit, qaqullunnit imaluunniit oqaatsunit inigineqarpat.

2) 200 meterit, timmissat piaqqiorfiat qeqertaappat, qeqertaasaappat imaluunniit eqqarluuppat, miternit siorartuunit, miternit siorakitsunit, serfanit, qingalinnit, imeqqutaallanit imaluunniit naajanit allanit taateraajunngitsunit inigineqartoq.

Imm. 3. Imm. 2-mi aalajangersagaq apeqqutaatinnagu § 7 naapertorlugu mannissartoqarsinnaavoq.

Imm. 4. Imm. 2-mi aalajangersakkat apeqqutaatinnagit aqqutit nalunaarsukkat angallammik ingerlavigineqarsinnaapput.

Avatangiisinut tunngasut

Nunami, kuunni tatsinilu mingutsitsisoqaqqusaanngilaq. Avatangiisinut tunnasut piffissami sukkulluunniit pisumik inatsimmi atuuttumi ilaatinneqartuassapput.

Kommunimit eqqissisimatitat

Aalisarneq pillugu inatsisartut inatsisaat nr. 18, 31. oktober 1996-meersoq aamma Eqalunniarneq pillugu – Namminersornerullutik Oqartussat nalunaarutaat nr. 11, 18. juni 1997-imeersoq naapertorlugit kommunimi kuunni eqqissisimatitsinissamik aalajangersaasoqarsinnaavoq.

Eqqissisimatitsinernut atuuttunut kommunip aalisarnermut piniarnermullu immikkoortortaqarfia attavigiuk.

Kommunip pilersaarusiorneqarnera

Aalajangersakkat annikitsukkuutaat kommunip pilersaarusiorneqarnerani pingaarnertut alajangersakkanut isumassarsianullu tunngaviusunut naapertuupput.