Uaniipputit: Saqqaa Illoqarfinnut nunaqarfinnullu pilersaarutit Aalajangersakkat Immikkoortut ilaat Vedtaget 800-C13.1

Greenlandic   Dansk

800-C13.1

Bestemmelser | Redegørelse

Bestemmelser
Killiffik Akuerisaq 
DETAILPLANNAVN Utoqqaat angerlarsimaffiannut, utoqqarnut inissianut pisiniarfinnullu immikkoortoq pilersaarusiorfiusoq. 
Immikkoortup atorneqarnissaa Imm. 1. Immikkoortoq pilersaarusiorfiusoq siunertanut ataatsimoorussanut, utoqqaat angerlarsimaffiannut, utoqqarnut inissianut pisiniarfinnullu atorneqassaaq.

Imm. 2. Nunanminertat atorneqanngitsut imaluunniit utoqqaat angerlarsimaffiannut, utoqqarnut inissianut, pisiniarfimjut, aqqusinernut teknikkikkullu atortunut immikkoortinneqartut sanaartorfigineqanngitsutut atorneqassapput. 
Sanaartukkap annertussusissaa sumiinnissaalu Imm. 1. Ammasunik-pukkitsunik sanaartukkat: sanaartorfissiap iluani nunaminertaq sanaartorfissaq annerpaatut akuerisaasoq:
2.1-imi __ 150 m2-iuvoq.
3.2-mi __ 405 m2-iuvoq.

Imm. 2. Qanittunik-pukkitsunik sanaartukkat: sanaartorfissiap iluani nunaminertaq sanaartorfissaq annerpaatut akuerisaasoq:
1.1-imi __ 478 km2-iuvoq
1.2-imi __ 125 km2-iuvoq
1.3-mi __ 244 km2-iuvoq
1.4-mi __ 151 km2-iuvoq

Imm. 3. Aalajangersakkani pingaarnerni illup portussusissaatut taaneqartoq, nunamiit illup qimerluanut portussusissatut uuttorlugu aalajangersarneqartarpoq, Teknikkimullu Avatangiisinullu immikkoortumiit akuerineqartussaalluni.

Imm. 4. Seqerngup nukinga atorlugu nukissiuutit nukissiuutillu ataavartut allat illup annerpaamik portussusissaatut taaneqartup iluani tulluarsarneqassapput.

Imm. 5. Toqqaviit pisariaqartitaq sinnerlugu portussusilerneqassangillat, tassa imaappoq, nunamit pioreersumiit 0,5 m-imik portunerutinneqassanngillat.

Imm. 6. Toqqaviit beton-iusut nunamiit uuttorlugu 1,5 m sinnerlugu portussusillit, silataata iikkersuutaatut iikkersorneqassapput, imaluunniit uppernarsarneqasaaq, toqqaviit illup ataatsimut isikkuanut sunniuteqarpallaassanngitsut.

Imm. 7. Imm. 5-imi aalajangersakkat malitsinneqarpata, nutaamik sanaartornermi illu naqqulerneqarsinnaavoq.

Imm. 8. Illuaqqat/quit sanaartukkap toqqavianut tulluarsarneqarsimassapput.

Stk. 9. Nutsernermut, allanngortiterinermut assigisaanullu atatillugu containerit taamaallaat immikkoortup iluani qaammatini 6-ini inissisimatinneqarsinnaapput. Tamatigut Teknikkimut Avatangiisinullu immikkoortortamiit akuersissutigineqarsimassapput.

Imm. 10. Immikkoortup pilersarusiorfiusup iluani umiatsianik inissiisoqassanngilaq, taakku umiatsialivimmi qanittumiittumut inissinneqartariaqarput. 
Sanaartukkap silatimigut isikkussaa Imm. 1. Illut ilassutaasa qaliaasa sivinganeri illup pioreersup qaliata sivinganeratut sivinganilerneqassapput.

Imm. 2. Sanaartorfissiami 3.1-imi illut qaliaasa sivinganeri 30-45 graderinik sivinganilerneqassapput.

Imm. 3. Illut qaliaat seqersitsineq ajortunik imaluunniit qalissianik qernertunik qasersunilluunniit qalissialerneqassapput.

Imm. 4. Saqqat seqersitsisinnaasut taamaalllaat akuersissutigineqarsinnaapput seqerngup nukinga atorlugu nukissiuutinik nukissiuuteqarniarluni atorneqarniarpata.

Imm. 5. Ilassusiinermi illup silataasa iikkersuutai illup pingaarnerup atortulersuutai qalipaataalu assigalugit sananeqassapput.

Imm. 6. Sanaartorfissiami 3.1-imi illup silataasa iikkersuutai saqqatut aserfallatsaalineqrsinnaasutut isikkoqartinneqassapput, qalipaasersorneqarnermikkut sumiiffimmi sanaartukkanut pioreersunut tulluartunngorlugit.

Imm. 7. Parabolit diameterimut 0,5 m-imit mikinerusut ikkunneqarsinnaapput.

Imm. 8. Illut mikinerusut soorlu illuaqqaq, quit assigisaallu illumut ilassutitut imaluunniit nakkumi inissinneqarsinnaapput.

Imm. 9. Immikkoortumi suliffeqarfinnut atatillugu allagartalersuinerit illup saqqaanut inissinneqassapput annerpaamillu 0,5 m2-mik annertussuseqartinneqassallutik. 
Aqquserngit, pisuinnaat aqqutaa biilinullu inissiiviit Imm. 1. Aqqusineqarnikkut appakaaffissat pisuinnaallu aqqutaat nutaatut pilersinneqartut nunap pissusaanut naapertuuttunngorlugit pilersinneqassapput.

Imm. 2. Sanaartorfissamut 3.1-imut aqqusinikkut attavissamik Nikkorsuarnut pilersitsisoqarsinnaavoq aammalu 1.1-imi utoqqaat angerlarsimaffiat allineqassappat Salliamut attaviliisoqarsinnaavoq.

Imm. 3. Biilit uninngasarfii nunap assingani 1-imi takutinneqartutut pilersinneqassapput. 
Nunaminertat sanaartorfiunngitsut Imm. 1. Nunaminertat sanaartorfiunngitsut nalinginnaasumik isikkoqartinnissaat qulakkeerneqassaaq, tamatumani naasoqarnerup qaqqallu nalinginnaasumik paariinnarneqarnissaat anguniagaassalluni.

Imm. 2. Sanaartorfigissaanermi sanaartornermilu sapinngisamik nuna eriagineqassaaq. nuna ajortumeerneqarsimasoq ilusaatut iliseqqinneqassaaq immikkoortorlu qaartitsinermi assartuinermiluunniit qaartiternerlukunik siammmarsimasinnaasunik piaaffigineqarluni.

Imm. 5. Qaartitsinermi sanaartorfigissaanermullu atatillugu issoq naasullu pioreersut sapinngisamik paariinnarneqassapput imalu suliarineqarlutik inaalikkallarneqarlutilluunniit, sanaartornerup naammassineqarnerani ilusaatut iliseqqinneqarsinnaassallutik. 
Teknikkikkut atortuutit Imm. 1. Inissiat tamarmik innaallagissamut, imermut, kiassarnermut, kuuffissuarmut, telemut eqqagassalerinermullu atassuserneqarsimassapput.

Imm. 2. Immikkoortup iluani pilersuinermut aqqutit tamarmik nunap iluatigoortinneqassapput, aammalu sapinngisamik aqqusinniornissamut pisuinnarnullu aqqusinniornissamut ilanngullugit eqqarsaatigineqassallutik, tamatumani pilersuinermut aqqutissanut assatanut inissinneqassallutik.

Imm. 3. Immikkoortup iluani pilersuinermut atortunut sanaartukkanik minnerusunik soorlu sakkortusaavinnik, maqitsivinnik teknikkikkullu atortunik allanik sanasoqarsinnaavoq. Atortut Nukissiorfiit isumaqatigalugit inissinneqassapput, sanaartukkallu, nunap pissusaa isikkiviillu eqqarsaatigalugit ilusilersorneqarsimassallutik. Atortut taakku Inissianut il.il. illup timitaata ilaattut nalinginnaasutut sanaartukkatut ilaasutut isikkoqarnissaat anguniagaassaaq.

Imm. 4. Sakkortusaaviit annerpaamik 2,5 m-imik portussusilerneqassapput nunaminertamillu 9 m2-mik atuillutik. Maqitsivit annerpaamik 2,5 m-imik portussusilerneqassapput nunaminertamillu 3 m2-mik atuillutik. Teknikkikkut atortunut allanut sanaartukkat aamma taamatut annertussusilerneqassapput. 
Avatangiisinut tunngasut Immikkut aalajangersagaqanngilaq. 
Piginneqatigiiffik Immikkut aalajangersagaqanngilaq. 
Atuilernissamut piumasaqaatit Takuuk nunaminertat aqunneqarnerini malittarisassat. 
Illoqarfimmi immikkoortumut pilersaarutip aamma/imaluunniit kommunip pilersaarusiorneqarneranut tapiliussap atorunnaarsinneqarneri Immikkut aalajangersagaqanngilaq. 
redegoerelse

A. TunuliaqutaqPilersaarummik allannguineq Pilersaarusiorneq aamma Nunaminertat atorneqartarnerat pillugit Inatsisartut inatsisaat nr. 17, 17. november 2010-meersoq naapertorlugu ingerlanneqarpoq.Kommunip pilersarusiorneqarneranut tapiliussaq una siunissami utoqqaat angerlarsimaffiata allilerneqarsinnaaneranik pisariaqartitsisinnaaneq naammassiniarlugu suliarineqarpoq. Tapiliussaq aamma immikkoortumi pisiniarfimmik nutaamik pilersitsisinnanermik aammalu pioreersup allilerneqarsinnaaneranut periarfissiivoq. B. Siunertaq.Siunertanut ataatsimoorussanut, annerusumik utoqqaat angerlarsimaffiannut, utoqqarnut inissianut kiisalu pisiniarfinnut nunaminertanik immikkoortitsisoqarpoq.Pilersaarutip siunertarivaa, utoqqaat illuata pioreersup allilerneqarsinnaaneranut periarfissiinissaq, kiisalu Nikkorsuit eqqaani utoqqarnut inissianik pilersitsisinnaanissaq. Pilersaarutip aamma siunertarivaa, immikkoortup annertusarneqarnerata tulluartumik pinissaata qulakkeerneqarnissaa. C. Immikkoortoq pilersaarusiorfiusoqImmikkoortoq Sisimiut kitaatungaani Nikkorsuit eqqaanni najugaqarfinni pioreersunut attuumassuteqarluni inissisimavoq. Immikkoortoq pilersaarusiorfiusoq ataani titarneqartutut nuanllu assingani takutinneqartutut killilersugaavoq aammalu 27.150 m2-p missaani annertussuseqarluni.Billede: Immikkoortoq pilersaarusiorfiusoq ullumikkut siunertanut ataatsimoorussanut utoqqaat angerlarsimaffiannut, utoqqarnut inissianut pisiniarfimmullu immikkoortitaavoq. Immikkoortup iluaniipput utoqqaat angerlarsimaffiat 2.399 m2-tut annertussuseqartoq aammalu utoqqarnut inissiat 12-it.Immikkoortumi pilersaarusiorfiusumi sanaartukkat annertunerusumik qaqqajunnap qaani portussutsip kote 40-60 missaani portussusilimmi portutigisumi inissisimapput. Immikkoortoq aqqusinernik eqqaaniittunit killilersorneqarpoq. Immikkoortup (A11) avannaatungaani, kujataatungaani kitaatungaanilu inissiaqarfik immikkoortitaavoq, illuatungaanilu kangiatungaa immikkoortumut pilersaarusiorfiusumut (C13.2 killeqarluni, aamma qiterisaqarfittut immikkoortitaasuusumut. D. Imarisaa.Immikkoortup immikkoortinneqarneratigut aalajangersaanikkut pilersaarutip qulakkiissavaa, immikkoortup nunap pissusaanut mianerinnillu annertusaanerup ingerlanneqarnissaa.Immikkoortumi siunertanut ataatsimoorussanut soorlu utoqqaat angerlarsimaffiannut aamma utoqqarnut inissianut kiisalu pisiniarfinnut sanaartukkanut sananeqarsinnaaneranut ilusilersorneqarsinnaaneranullu periarfissiivoq.Atorneqarnera:Immikkoortoq pilersaarusiorfiusoq siunertanut ataatsimoorussanut soorlu utoqqaat angerlarsimaffiannut utoqqarnullu inissianut kiisalu pisiniarfimmut immikkoortinneqarpoq.Immikkoortumi utoqqaat angerlarsimaffiannut ilassummik, kiisalu pisiniarfiup pioreersup allillerneqarsinnaaneranut aammalu pisiniarfimmik nutaamik pilersitsisinnanermik sanasoqarsinnaavoq. SanaartukkatImmikkoortumi nutaamik sanaartukkat sanaeqarnissaannut periutsit aallaavigivaat, immikkoortup nukittussusa soorlu nunap annertuup isikkiviullu ornignartup paariinnarneqarnissaa ersarissarneqarnissaalu. Qaqqaq sinerlugu sanaartortoqassaaq, soorlu assersuutigalugu sanaartorfissami 1-.1-mi sanaartugassat tulluarsarneqarnissaat pisiariaqarpoq, taamaalilluni qaqqamut nalinginnaasumik isikkoqartutut isikkoqassalluni.Nunaminertat sanaartorfiunngitsutImmikkoortut sanaartukkanut atorneqanngitsut, atortulersuutinut sukisaarsaarfittut pielrsinneqasapput imaluunniit pinngortitatut allanngortinneqanngitsutut isikkoqarinneqassallutik.Sanaartorfigissaanermi sanaartornermilu sapinngisamik nuna mianerineqassaaq, taamaalilluni sukisaarsaarfissaqqissoq pioreersup pitsaassusaa paariinneqarneraluni.Aqquserngit, pisuinnaat aqqutaat biilillu uninngasarfiiImmikkoortumut pilersaarusiorfiusumut appakaannissaq Nikkorsuarniit pissaaq aammalu immikkoortoq Qaqqaliartarfikkut, Tuapannguatigut Salliakkullu aqquteqartineqassaq.Sanaartorfissap 1.1-ip iluani utoqqaat angerlarsimaffiannut ilassusiinermi, Salliamiit aqqusinermik ikaarfissamik nutaamik pilersitsisoqarsinnaavoq aammalu sanaartorfissap 3.1-imi annertusaanermi Nikkorsuarniit ikaarfissamik nutamik pilersitsisoqarsinnaavoq.Utoqqaat angerlarsimaffiata kujammut kitaatungaani pisuinnaat aqqutaannik pilersitsisoqarsinnaavoq. Pisuinnaat aqqutaata nunap pissusaata ingerlaarnera malissavaa.Nunap assingani 1-imi takutinneqartutut biilinut uninngasarfissanut nunaminertamik pilersitsisoqarsinnaavoq.E. Pilersaarutip pilersaarutinut allanut attuumassutaiNuna tamakkerlugu pilersaarusiorneq Immikkoortumut pilersaarusiorfiusumut pilersaarusiornerup nuna tamakkerlugu pilersaarusiortarneq toqqaannartumik sunniuteqarfiginngilaa.Pilersaarut kommunip pilersaarusiorneqarnerani Namminersorlutik Oqartussat susassaqarfiinut naapertuuppoq.2012-imiit 2024-imut Qeqqata Kommuniata pilersaarusiorneqarnera ammalu Sisimiut Kommuneanut 1992-imiit 2005-imut Kommunip pilersaarusiorneqarneraPilersaarut 2012-imiit 2024-mut kommunip pilersaarusiorneqarneanut siunnersuummut, tamatumani 800-C13 immikkoortinneqarfigisimasaanut killiliussanut pingaarnernut naapertuuppoq.Pilersaarut Sisimiut Kommunerisimasaanut 1992-imiit 2005-imut Kommunep pilersaarusiorneqarneranut tapiliussaavoq, tassuunakkullu aalajangersakkat pingaarnerit nutaat tapiilussakkut naapertuuttunngortinneqarput.Immikkut aalajangersaaffigisatImmikkoortoq mittarfiup eqqaani tikitsaaliukkap iluani inissisimavoq. Mittarfiup eqqaani aporfiusinnaanngitsunik ilaatigut ungasissumut isiginnissinnaassunermut ammalu ilaatigut milernermi tingilernermilu aporfissaanngitsunik immikkut aalajangersakkanut ilaavoq.Billede: Immikkoortoq pilersaarusiorfiusoq ungasissumut isiginnissinnaanissamu portussutsimut kote 55,5-imit sunnerneqaqqavoq. Kangerluarsunnguup kujataatungani immikkoortuni nunap qaavaniit uuttorlugu annerpaamik 15 meterinik portussusilinnik (taamaattorli portussuseq kote 101) sanaartukkanik pilersitsisoqarsinnaavoq. Aqquserngit portussutsimi kote 49,5 protussusilimmi pilersinneqarsinnaapput.Qanganitsat eqqaassutissatQanganitsat eqqaassutissat 1900 sioqqullugumeersut Kulturikkut eriagisassat eqqissisimatitaanerat pillugu Inatsisartut inatsisaanni nr. 18, 19. november 2007-imersumi ilaatineqarput.Sulinerup ingerlanerani qanganitsanik eqqaassutissanik sunilluunniit nassaartoqassappt, nunamik suliaqarnermi Sisimiut Katersugaasiviannut attaveqartoqassaaq.F. SaqqummiineqKommunip pilersaarusiorneqarneranut tapiliussatut nr. 47-tut siunnersuut marsip 2012-imi marsip 5-aniit apriilip 30-ata tungaanut tamanut saqqummiullugu oqallisissiassanngortinneqarpoq.