Uaniipputit: Saqqaa Eqqarsaatersuutit pingaarnertullu ilusissat Pingaarnertut aaqqissuussineq Pilersuineq eqqagalerinerlu

Greenlandic   Dansk
Eqqarsaatersuutit Pingaarnertut aaqqissuussineq Illoqarfiup aaqqissuussaanera Attaveqaatit ataqatigiinnerlu Innuttaasut nikerarnerat Inuutissarsiutit suliffissallu Kulturikkut kingornussat Nunaannaq Pilersuineq eqqagalerinerlu Imminut napatissinnaaneq Namminersorlutik soqutigisaat

Pilersuineq eqqagalerinerlu


Pilersueriaatsit amerlanersaat sumiiffik malillugu aaqqissugaapput aammalu illoqarfinnut nunaqar­finnullu ataasiakkaanut pilersuisuullutik. Atortut taakku illoqarfinni nunaqarfinnilu ataasiak­kaani suliarineqartarput. Tamaani inoqarfiit akimorlugit attuumassuteqaraangata atortut taa­maalllaat iluarsaanneqartarput. 

1.1.   Innaallagissamik pilersuineq.

Kalaallit Nunaanni illoqarfinnut nunaqarfinnullu innaalllagissamik pilersuineq erngup nu­kinga imalunniit generatorinik diesel-itortunik pisarpoq, pilersuinertut pingaarnertut ima­luunniit qamittooriataarnissaq sillimaffiginiarlugu backup-imik pilersuinertut. Tamanna isumaqarpoq, sumiiffinni tamani atugassarisap marloriaataa pigineqartarluni, tamanalu aki­soorujussuulluni.

Taamaattumik pingaarutilerujussuuvoq, nukissanik ataavartunik ineriartortitsinerup dielsel-tortunik pilersuinerup taartigisinnaasaata sammineqarnerata ingerlatiinnarnissaa, taamaa­lillutik diesel atorlugu atortorissaarutit sillimmataannartut ingerlatilerlugit. Imaluunniit isumassarsialatsiaasinnaavoq, illoqarfinni inuiaaqatigiinni arlalinik innaallagissamik piler­suinerit ataatsimoortunngortinneqarsinnaapput, taamaalilluni atortut sillimmataasut atorunnaar­sikkiartorlugit, ullumikkut periarfissaasoq aningaasaqarnikkut imminut nammassinnaasumik piviusunngortikkuminaatsoq, kisianni immaqa siunissami innaallagissamut akit qaf­fakkiartortillugit, benzinamut diesel-mullu taarsiullugu assartuinermut siunertalinnut innaal­lagissamik atuinerup qaffakkiartornerani periarfissaasinnaasoq. 

1.2.   Tele aamma internet.

Inuutissarsiuteqartut ineriartornissaanut meeqqallu atuarfianni inuusuttunullu ilinniarfinni atuartitsineq pitsaasoq qulakkeerniarlugu, illoqarfinni nunaqarfinnilu oqarasuaatikkut inter­nettikkullu pilersuineq sukkasooq isumannaatsorlu pinngitsoorneqarsinnaanngilaq.Sisimiunut Maniitsumullu internettikkut attaviit kabelip immap naqqatigoortup Nuummi atortuaniit 2012 – 13-illu ingerlaneranni sakkortusarneqassasut naatsorsuutigineqarpoq. 

1.3.   Eqqagassalerineq.

Kangerlussuaq minillugu, tassani eqqaavissuarmi ikuallaaneq ingerlanneqartarmat, illoqarfinni nunaqarfinnilu tamani annerusumik minnerusumilluunniit tulluartunik eqqagassanik ikuallaa­vinnik pilersitsisoqarnikuuvoq.

Ikuallaaviit mikivallaarneri ruujoriilu salikkuminaappallaarmata sumiiffiillu ilaanni aaqqii­nerit tulluanngippallaarneri pissutigalugit, siunissami qanittumi illoqarfinni nunaqarfinnilu eqqagassalerisarneq nalilersoqqinneqassasoq naatsorsuutaavoq.

Assersuutigalugu nunaqarfinnit tamanit ilaannilluunniit eqqagassanik katersuiffinnikSisimiuni Maniitsumilu nassiutassanik piler­sitsisoqarsinnaavoq, tassani isumannaatsu­mik eqqagassat ikuallallugit aammalu sumiiffinni kiassaateqarfinni kissaq sinneruttoq atorluarneqarluni. Taanna tunngaviatigut aaqqiinerussaaq nungusaataanngitsoq, avatangii­sinut nukimmillu tamakkiisumik atuinissamut isumaginnittoq, naak eqqagassanik assartui­neq annertugaluartoq. Eqqagassanik assartuineq nunaqarfinnut nunaqarfinniillu nioqqutis­sanik containerit atorlugit RAL-p pilersuineranut ataatsimoortinneqarsinnaagaluarpoq.  

Tassunga periarfissaq alla imaluunniit ilassutaasinnaasoq tassaasinnaavoq eqqagassanik immikkortiterisarnermut annertuumut pilersitsineq, eqqagassanik annertuunik annikillisitsi­sinnaasoq taavalu atueqqissinnaanermik annertussaasoq, ilutigalugu periutsimik atorneqa­reersumik annertusaasinnaasoq.