Pingaarnertut aaqqissuussineq


Aallaqqaasiut:

Pingaarnertut aaqqissuussineq kommunip ineriartortinneqarnissaanut kommunalbestyrelsip pilersaaru­siornermi periusissaanik takorluugaanillu aallaaveqarpoq. 

Uani Qeqqata Kommuniata illoqarfitsigut ilusilersugaanera / inoqarfeqarfitsigut ilusilersugaanera innuttaasut nikerarnerannut suliffissaqassutsikkullu periarfissanut atatillugit takuneqarsinnaapput. 

Matumuuna illoqarfiit nunaqarfiillu angallannikkut attaveqartitaanerat nassuiarneqarpoq, aammalu soorlu kulturikkut kingornussassat, nunap timaani periarfissat, pilersuineq, eqqagassalerineq nungusaa­taanngitsumillu atuineq sammineqarlutik. 

Kommunip pilersaarusiorneqarnerani aamma kommunip inuutissarsiuuteqarnikkut ineriartortinne­qarneranut atugassatigut piumasaqaatinik pitsaasunik qulakkeerinissaq, taakkununnga ilanngullugu inuutissarsiutitigut ineriartortunut takornariaqarnermut, aatsitassarsiornermut uuliamullu aamma gassinut suliffeqarfissuaqarniarnernut ineriartortitsinissamut atugassarititaasut pitsaasumik qulak­keerneqarnissaat annertuumik sammineqarpoq.  

Tassunga atatillugu taaneqassaaq, Nunap Immikkoortuinik Ineriartortitsinissa­mut Pilersaarut (NIIP)-mut atatillugu Qeqqata Kommunia pingaartitatut suliniutinik arlalinnik sulia­qarpoq. NIIP-mi suliniutit tassaapput iliuusissatut pilersaarutit, aammalu piffissap sivikitsup iluani piviusunngortinniagassaasut.   

 


 

Killiffik attarissallu

 

Uannut suna atuuppa

  • Kommunimi pilersaarut
  • Kummunimi pilersaarummut tapiliussaq
  • Attavissat