Uaniipputit: Saqqaa Eqqarsaatersuutit pingaarnertullu ilusissat Pingaarnertut aaqqissuussineq Illoqarfiup aaqqissuussaanera

Greenlandic   Dansk
Eqqarsaatersuutit Pingaarnertut aaqqissuussineq Illoqarfiup aaqqissuussaanera Attaveqaatit ataqatigiinnerlu Innuttaasut nikerarnerat Inuutissarsiutit suliffissallu Kulturikkut kingornussat Nunaannaq Pilersuineq eqqagalerinerlu Imminut napatissinnaaneq Namminersorlutik soqutigisaat

Illoqarfiup aaqqissuussaanera


Qeqqata Kommunia Kitaani sikuneq ajortumi annertuumik nunataqarluni inissisima­voq, kitaanilu umiarsualivinnut ukiorlu kaajallallugu angalanissamut periarfissaqarluni. Kangerlussuaq ukiuunerani ksimi sikusarpoq. 

Sisimiut Kalaallit Nunaanni illoqarfiit annerssaasa tullerivaat, Maniitsullu illoqarfia akun­nattuulluni. Kangerlussuaq imarpik qulaallugu mittarfeqarfiunini pissutigalugu immik­kut inissimavoq. Kalaallit Nunaata sinnerani ilisimasatsinniit takornarissanut periarfissiiso­qarniassammat aqquserngit annertuumik immikkut taasariaqarlutik. 

Sisimiut innuttaqqortunerulluni 5498-imik innuttaqarluni qullersaqarfittullu inissisimaner­migut kommunimi illoqarfittut pingaarnertut inissisimavoq. Maniitsoq 2747-nik innutta­qarluni allaffissornerup ilaanut annertuumik peqataavoq. Takku saniatigut Kangerlus­suaq, Atammik, Napasoq, Kangaamiut, Itilleq Sarfannguillu nunaqarfittut 91-iniit 544-nut innuttaqarput, taakkulu tamarmik kommunip allaffissornikkut ingerlanneqarnissanut nuna­qarfimmi aqutsisoqarlutik allaffeeraqartiterput. 

Inuutisarsiuutinut ineriartortunik ineriartortitsinermut atatillugu inuutissarsiutinut anner­tuumik ineriartornissamutSisimiuni, Maniitsummi Kangerlussuarmilu periarfissaqartoq nalilerneqarpoq. 

Sisimiuni Uuliamik Gassimillu misissuineq inuusuttunullu ilinniarfinnik ilinniaqqif­finnilu ineriartortitsineq kiisalu takornariaqarneq sammineqarnerupput. 

Maniitsumi Aluminiumik aatsiterivissami suliniummik ineriartortitsineq, taassumalu malit­sigisaanik inuutissarsiutaalersinnaasut sammineqarnerupput. 

Kangerlussuarmi takornarianik ineriartortitsineq, taakkuninngalu angallassinissamik aaq­qiissutaasinnaasut pitsaasumik ineriartortinneqarnissaat sammineqarnerupput. 

Pisortat kiffartuussinerata ilusilersugaanera.

Pisortat kiffartuussinerisa aaqqissuussaneranni agguataarnerinertigut takutinneqarpoq, tunngaviusumik kiffartuussinerit immikullu pisariaqartitsinertigut kiffartuussiviit pitsaasumik atorluarsinnaasumillu ingerlanissaminni nunaminertamik pisariaqartitsineri/innuttaasullu amerlassusiinut qanoq attuumassuteqartigineri.

Taamaalilluni illoqarfinni annerusuni siammasinnerusunik pisortanit sullissinissamik neqerooruteqarneruvoq, taamalu nunassittarneq suulli kiffartuussinikkut pissarsiarineqarsinnaanerisa naatsorsuutigineqarsinnaaneri imminnut ataqatigiillutik.

Taamaattorli oqaatigineqassaaq, oqaluttuarisaanikkut pissutsinik aammalu illoqarfigisami nukittussutsit sanngiiffiillu aallaavigalugit assigiinngitsunik misigisaqartoqarsinnaasarmat. 

Nunaqarfinnik ineriartortitsineq.

Sinerissap qanittuani aalisarnerup aaqqissuussaanerata allanngortiterneqarnerata malitsigi­saanik suliffissaqarniarnikkut kingunerisinnaasaanik eqqugaanikkut nunaqarfinni ineriar­tortitsilluni pilersitsiniarnermut atasumik annertuumik unammillernartoqarpoq. Suliffissati­gut periarfissanik nutaanik pilersitsisoqarnissaa pisariaqarpoq, taamaalilluni nunaqarfinni ataasiakkaani aningaasaqarnikkut akilisersinnaasumik periarfissat paariinnarneqarniassam­mata. 

Nukittuffiit, periarfissat suliniuteqarfissaqqissuunerilu aallaavigalugit nunaqarfiit ataasiak­kaat tapersersorneqarnissaat sammineqartariaqaraluarpoq. 

Pisortat sullissinerisa annertussusaata naapertuuttunngortinneqarnissaa sammisat aappari­vaat, tamaalilluni inoqarfinni ataasiakkaani innuttaasut amerlassusaasa pisortallu sullissi­nissamik neqeroorutaat ataqatigiinnerulerniassammata, taakkununnga ilanngullugu kom­munimi tamarmi tunngaviusumik pisortat sullissinissamik neqeroorutaasa pilersinneqarnis­saanut aallartitsisinnaaneq. Tassunga oqaatigineqassaaq, aningaasaqarnerup ataavartup qu­lakkeernissaanut annikinnerusuni pilersitsisinnaassusilimmik aaqqissugaanikkut ingerlatsi­nikkullu aaqqiissutissanik suliaqarnissamut pitsaasunik tunngavissaqarmat.